Wanem for Talem Abaotem Olketa Magasin

Wastaoa October-December

“Staka church distaem no storyim tumas sin olsem olketa year wea go pas. Waswe, iu tingse sin hem no samting wea iumi shud storyim long taem bilong iumi, or hem samting wea iumi need for warim? [Weit for hem ansa. Then readim Romans 5: 12.] Disfala magasin storyim wanem Bible talem abaotem sin.”

Awake! September

Readim Matthew 5:​39. Then sei: “Waswe, iu tingse Jesus minim for iumi no duim eni samting taem pipol duim nogud samting long iumi? [Weit for hem ansa.] Disfala article showim wanem Bible talem abaotem hao for protectim iuseleva and lukaotem help from olketa wea garem paoa.” Storyim article wea start long page 10.

The Watchtower October 1

“Pipol long evri difren religion evriwea long world savve prea. Waswe, iu tingse God savve herem and ansarem olketa prea? [Weit for hem ansa.] Bible encouragem iumi for prea. [Readim Philippians 4:​6, 7.] Disfala magasin garem ansa from Bible long sevenfala kwestin wea pipol savve askem abaotem prea.”

Awake! October

“Samfala taem iumi herem pipol kasem nogud samting from hasband or waef bilong olketa, olketa long gavman, and from olketa narawan. Waswe, iu tingse hem hard nao for faendem pipol wea iumi fit for trustim? [Weit for hem ansa.] Long tingting bilong staka pipol, disfala scripture hem kamap tru finis. [Readim 2 Timothy 3:​1-5.] Disfala magasin explainim hao iumi savve faendem yet pipol wea iumi savve trustim.”