Wanem for Talem Abaotem Olketa Magasin

Wastaoa October-December

“Plande pipol tingse evri gud pipol bae go long heven. Hem nao wanem iu bilivim? [Weit for hem ansa.] Lukim wanem Bible talem abaotem disfala earth. [Readim Psalm 37:11, 29.] Disfala magasin showimaot samting wea Jesus teachim abaotem future bilong olketa man long disfala earth.” Showim story wea start long page 22.

Awake! September

Readim 1 John 4:8. Then talem olsem: “Samfala bilivim hao God hem mekem nogud pipol for safa olowe long hellfire. Olketa narawan tingse disfala idea hem no semsem witim wanem iumi readim finis from Bible. Wanem nao tingting bilong iu? [Weit for hem ansa.] Story wea stap insaed disfala magasin showimaot samting wea Bible teachim abaotem diswan.” Showim story wea start long page 10.

The Watchtower October 1

“Iumi evriwan kasem hard taem long laef. [Storyim samfala problem wea pipol long territory kasem.] Iu tingse God savve helpem iumi taem iumi kasem olketa hard taem hia? [Weit for hem ansa.] Long disfala verse Jesus showim wanfala wei wea God helpem iumi. [Readim Luke 11:13.] Disfala magasin minim klia wanem nao holy spirit and hao hem savve helpem iumi.”

Awake! October

“Evri famili savve kasem olketa problem. Iu tingse long wea nao olketa famili savve kasem gudfala advaes wea savve helpem olketa? [Weit for hem ansa. Then readim Psalm 32:8.] Disfala spesol issue bilong Awake! magasin storyim olketa advaes long Bible wea savve helpem famili sapos olketa followim.”