Kwestin Box

◼ Waswe, iumi shud prea long eni ples nomoa wea iumi conductim Bible study?

Gud samting savve kamaot taem iumi prea for startim and finisim study. Taem iumi prea, iumi askem Jehovah for givim holy spirit for helpem study bilong iumi. (Luke 11:13) Prea helpem tu Bible study bilong iumi for tinghae long study bilong hem and for hem lanem hao for prea. (Luke 6:40) Dastawe hem gud for prea taem iu just start nomoa for conductim wanfala Bible study. Bat samfala taem maet iu disaed for no prea for startim or finisim study. Why nao olsem?

Wanfala samting for tingim hem ples wea iutufala study. Sapos iutufala bae study long ples wea pipol lukluk kam or study hem shame lelebet, hem gud for weit go kasem taem iutufala study long ples wea hem fitim, then iutufala savve prea. Bat sapos hem fitim, iutufala savve talem short prea for startim and finisim study. Nomata wea nao iutufala study, iumi shud luksavve wanem taem nao hem fitim for iumi prea.—Lukim March 2005 Kingdom Ministry Bilong Iumi, page 4.