Wanem for Talem

For Startim Bible Study Long First Saturday Long November

“Staka religion distaem sei olketa Christian. Long tingting bilong iu, wanem nao samfala samting wea olketa wea followim tru religion duim?” [Weit for hem ansa.] Then givim hem wanfala Wastaoa bilong October-December and storyim mek-thri subheding long page 16 and readim wan or tufala scripture wea stap. Offerim magasin and markem taem for go bak and storyim ansa bilong next kwestin.

The Watchtower October 1

Showim kava bilong magasin and ask olsem, “Wanem nao tingting bilong iu sapos samwan talem laea samting abaotem God long iu? [Weit for hem ansa.] Lukim wea nao Jesus talem for faendem truth. [Readim John 17:17.] So Bible nomoa talem iumi tru samting abaotem God. Disfala magasin storyim faevfala laea samting wea pipol talem abaotem God wea Bible showimaot hem no tru.”

Awake! October

“Mifala kam storyim samfala samting wea savve helpem olketa famili. Long tingting bilong iu, wanem nao hard samting wea olketa mami and dadi wea garem pikinini feisim distaem? [Weit for hem ansa.] Staka mami and dadi depend long Bible for helpem olketa. Example, olketa toktok hia helpem mami and dadi taem olketa stretem pikinini. [Readim Ephesians 4:31.] Disfala magasin showimaot hao toktok long Bible savve helpem olketa mami and dadi, taem pikinini bilong olketa hem smol go kasem taem hem big.”