Wanem for Talem

For Startim Bible Study Long First Saturday Long December

“Mifala kam for story witim iufala lelebet taem nomoa tuday. Hem hard samting tumas for iumi taem samwan wea iumi lovem hem dae, iaman? Waswe, iu tingse eni hope stap for olketa wea iumi lovem wea dae finis? [Weit for hem ansa.] Disfala article savve encouragem iumi.” Showim article long page 16 bilong November-December Wastaoa magasin and storyim firstfala kwestin and readim wan or tufala scripture. Offerim olketa magasin and markem taem for go bak and storyim ansa bilong next kwestin.

Wastaoa November-December

“Mifala kam for story long pipol bikos staka laek for savve why nao God letem olketa nogud samting for happen wea mekem iumi safa. Waswe, iu tu garem tingting olsem? [Weit for hem ansa.] Bible hem storyim taem wea no eniwan bae sorre, krae or feelim pain. [Readim Revelation 21:⁠4.] Disfala magasin storyim faevfala main samting wea mekem wei for safa kamap big tumas. Hem storyim tu samting wea Bible talem abaotem wanem God bae duim for finisim wei for safa.”

Awake! November

“Mifala kam for story long pipol bikos staka wari abaotem wei wea pipol distaem no shame for duim samting wea no stret. Waswe, iu tingse pipol long community start for acceptim nomoa kaen samting olsem? [Weit for hem ansa.] Bible hem showimaot wei bilong pipol bae kamap nogud long taem bilong iumi. [Readim 2 Timothy 3: 1-5.] Disfala magasin storyim why hem gud for followim wanem Bible sei hem stret.”