Wanem for Talem

For Startim Bible Study Long Firstfala Saturday Long February

“Long tingting bilong iu, hu nao nem bilong God? [Weit for hem ansa.] Lukim wanem tufala paragraf hia talem.” Givim haosholder January 1 Wastaoa, showim article long page 16, and storyim tufala paragraf and scripture wea ansarem datfala kwestin. Offerim magasin and markem taem for go bak and storyim ansa bilong next kwestin.

The Watchtower January 1

“Distaem staka pipol storyim end bilong world. Waswe, iu tingse iumi shud fraetem end bilong world? [Weit for hem ansa.] Olsem disfala scripture talem, taem world hem finis samfala pipol bae stap laef. [Readim 1 John 2:17.] Disfala magasin storyim ansa from Bible for fofala kwestin wea staka pipol askem abaotem end bilong world.”

Awake! January

“Mifala visitim olketa famili for storyim samfala samting wea savve helpem olketa. Waswe, iu tingse hem important for olketa famili followim toktok hia bilong Jesus? [Readim Acts 20:35b. Then weit for hem ansa.] Hem no isi for teachim pikinini for no tingim hemseleva long disfala world wea luk olsem staka pipol tingim olketa seleva nomoa. Disfala article storyim samfala samting wea dadi and mami savve duim for teachim pikinini bilong olketa for tingim nara pipol.”