Wanem for Talem

For Startim Bible Study Long First Saturday Long December

“Staka pipol bilivim God bae judgem olketa long samting wea olketa duim. Long tingting bilong iu, waswe, evri samting bae kamap stret long Judgment Day? [Weit for hem ansa.] Tingim wanem disfala magasin talem.” Then showim hem October-December Wastaoa, storyim mek-tu kwestin long page 16, and readim wan or tufala scripture. Offerim magasin and markem taem for go bak and storyim next kwestin.

The Watchtower November 1

“Waswe, enitaem iu tingim wanfala kwestin wea maet iu laek for askem long God? [Weit for hem ansa.] Jesus sei hem stret for askem olketa kwestin. [Readim Matthew 7:7.] Disfala magasin storyim olketa ansa from Bible for thrifala important kwestin.” Showim long haosholder thrifala kwestin hia wea stap long botom long page 3.

Awake! November

“Tuday mifala storyim samting wea savve helpem olketa famili. Olketa famili wea garem dadi or mami nomoa hem staka tumas distaem. Waswe iu tingse hem hard for mami or dadi nomoa for lukaftarem famili seleva? [Weit for hem ansa.] Staka dadi and mami kasem gudfala advaes long Bible. [Readim 2 Timothy 3:16.] Disfala magasin hem storyim samfala idea wea savve helpem wanfala dadi or mami for lukaftarem famili seleva.”