Web Site Bilong Iumi—Iusim for Study Seleva and Famili Worship
Readim Olketa Niu Magasin Online: Iumi savve readim Wastaoa and Awake! magasin online samfala week bifor iumi kasem long kongregeson. Iumi savve lisin long audio recording bilong magasin long English languis.—Go long “Publications/Magazines.”
Readim Olketa Article wea Stap Nomoa Long Web Site: Distaem samfala article hem stap nomoa long Web site long English languis, olsem “For Young People,” “My Bible Lessons,” “For Family Review,” and “Young People Ask.” Go online and iusim samfala long olketa article hia taem iu study seleva or duim famili worship.—Go long “Bible Teachings/Children” or “Bible Teachings/Teenagers.”
Readim Nius: Readim olketa report and experience wea encouragem iumi and lukluk long olketa video clip abaotem waka bilong iumi raonem world. Taem iumi lukim olketa report abaotem olketa natural disaster and persecution, datwan savve helpem iumi for prea long Jehovah for helpem olketa brata wea olketa samting hia spoelem olketa. (Jas. 5:16)—Go long “News.”
Iusim Online Library for Duim Research: Iu savve iusim computer or mobile for readim text evriday or duim research long olketa niu pablikeson bilong iumi long Online Library. Disfala Online Library hem no stap long evri languis.—Go long “Publications/Online Library,” or typem www.wol.jw.org long address field long browser bilong iu.
[Piksa long page 4]
(For ful formatted text, lukim pablikeson)
Traem
1 Click long piksa or long “Download” link. Piksa bae kamap long wanfala PDF document window. Printim datfala piksa and givim long pikinini bilong iu for waka long hem.
2 Clickim “Play” for lukluk long video.