Web Site Bilong Iumi—Iusim Long Ministry
Encouragem Pipol for Iusim Web Site Bilong Iumi: Samfala pipol wea hol bak for story witim iumi or for tekem buk bilong iumi maet willing for kasem information abaotem Olketa Jehovah’s Witness taem olketa seleva lukluk long jw.org long haos bilong olketa. So long evri chance wea fitim, talem pipol abaotem datfala Web site.
Ansarem Olketa Kwestin: Samfala taem haosholder, samwan wea interest, or samwan wea iumi savve long hem, maet askem samfala samting abaotem Olketa Jehovah’s Witness or olketa biliv bilong iumi. Iu savve iusim mobile or computer for showim ansa stretawe long hem. Hem gud for iusim Bible bilong iu taem iu readim olketa scripture. Sapos iu no savve accessim Internet, talem hem, hem savve go long jw.org Web site for lukim ansa for kwestin bilong hem.—Go long “Bible Teachings/Bible Questions Answered” long English, or iu savve go long “Abaotem Mifala/Olketa Kwestin wea Staka Pipol Askem” long Pidgin.
Sendem Article or Buk Long Eniwan wea Iu Savve: Attachim long e-mail wanfala PDF or EPUB wea iu daonlodim. Or daonlodim audio version bilong wanfala buk go long wanfala CD. Sapos iu sendem wanfala full electronic buk, brochure, or magasin long samwan wea no baptaes, iu savve raetem long report bilong iu. Taem iu sendem samting olsem, iu mas putim nem bilong iu and no sendem long staka pipol wantaem. And tu, iu mas no uploadim long eni nara Internet Web site.—Go long “Publications.”
Showim Nius Abaotem Olketa Jehovah’s Witness: Diswan bae helpem olketa Bible study and olketa return visit bilong iumi for tinghae long wei wea waka bilong iumi gohed evriwea long world and wei wea iumi wan mind. (Ps. 133:1)—Go long “News.”
[Piksa long page 5]
(For ful formatted text, lukim pablikeson)
Traem
[Piksa long page 5]
1 Go long “Publications,” then lukaotem wanem iu laek for daonlodim, and clickim button for text or audio format wea iu laekem.
2 Clickim MP3 button for lukim wanfala list bilong olketa article. Clickim title bilong article for daonlodim or clickim disfala button ▸ for lisin long hem online.
3 Sapos iu laek daonlodim wanfala pablikeson long nara languis, iu savve chusim datfala languis from disfala list.