Wanem for Talem

For Startim Bible Study Long First Saturday Long March

“Olketa pipol garem difren tingting abaotem God. Samfala tingse God hem wanfala paoa nomoa. Olketa narawan ting long hem olsem Dadi long heven wea lovem iumi. Wanem nao tingting bilong iu abaotem God?” [Weit for hem ansa.] Showim article long page 16 bilong March-April Wastaoa and storyim firstfala kwestin and readim wan or tufala scripture. Offerim olketa magasin and markem taem for go bak and storyim ansa bilong next kwestin.

Wastaoa March-April

“Staka pipol laekem olketa war for finis. Waswe, iu tingse enitaem full world bae garem peace? [Weit for hem ansa.] Lukim wanem Bible promisim abaotem datwan. [Readim Psalm 46:9.] Disfala magasin storyim olketa samting wea happen long World War I and olketa samting wea happen bihaen datwan. Olketa samting hia helpem iumi for luksavve klosap nao God bae mekem disfala profesi kamap tru and hem bae finisim war for olowe.”

Awake! February

“Mifala story witim pipol abaotem wei wea staka pipol no garem inaf taem for duim evri samting. Waswe, iu tingse datwan hem bikos olketa garem staka samting tumas for duim or olketa weistim taem nomoa? [Weit for hem ansa.] Staka no savve Bible givim gudfala advaes long hao for iusim gud taem bilong iumi. Bae iumi lukim wanfala example. [Readim Philippi 1:10a.] Disfala magasin storyim fofala samting wea helpem staka pipol for iusim gud taem bilong olketa.”