Wanem for Talem Abaotem Olketa Magasin

Wastaoa January-March

“Staka pipol biliv hao samfala spirit man stap, wea savve affectim laef bilong iumi. Wanem nao tingting bilong iu? [Weit for hem ansa. Then readim Revelation 12:7-9.] Disfala magasin storyim wanem Bible talem abaotem hu nao stap long ples bilong olketa spirit, hao olketa affectim iumi, and sapos iumi savve story witim olketa.”

Awake! February

“From Bible hem wanfala buk wea barava old, samfala tingse hem no stret nao saed long science. Wanem nao tingting bilong iu? [Weit for hem ansa.] Staka pipol sapraes for savve hao Bible talem diswan. [Readim Isaiah 40:22.] Article wea start long page 22 hem ansarem datfala kwestin, Waswe, science and Bible savve agree?”

The Watchtower March 1

“Staka pipol savve long Olketa Jehovah’s Witness bikos long preaching waka. Waswe, iu enitaem ting raonem why mifala duim disfala waka? [Weit for hem ansa.] Lukim wanem Bible talem. [Readim Matthew 24:14.] Disfala magasin ansarem olketa kwestin hia: Wanem nao datfala gud nius? Wanem nao datfala Kingdom? And hao nao disfala world bae finis?”

Awake! March

“From staka pipol stragol witim enikaen sik, mifala sharem disfala verse wea encouragem pipol. [Readim Isaiah 33:24.] Taem diswan hem kamap tru, iu tingse laef bae difren hao? [Weit for hem ansa.] Go kasem taem wea God mekem disfala change, iumi savve duim samfala samting for mekem health bilong iumi kamap gud lelebet. Disfala magasin hem explainim diswan.”