Wanem for Talem

Wastaoa November-December

“Staka pipol no savve why mifala garem datfala nem Olketa Jehovah’s Witness. Waswe, enitaem eniwan explainim datwan long iu? [Weit for hem ansa.] Bible hem showimaot nem bilong God hem Jehovah. [Readim Psalms 83:18.] Mifala olketa Witness bilong Jehovah, bikos mifala talemaot gud nius abaotem hem and plan bilong hem for olketa man. Disfala Wastaoa magasin storyim olketa nara samting abaotem mifala Olketa Jehovah’s Witness wea maet pipol no savve.”

Awake! December

“Tuday mifala kam storyim samfala samting wea savve helpem olketa famili. Evriwan laekem famili bilong olketa for stap gud, iaman? Long tingting bilong iu, wanem nao olketa famili savve duim for stap gud? Waswe, iu tingse sapos olketa savve hao for deal witim narawan taem raoa kamap, datwan savve helpem olketa famili? [Weit for hem ansa.] Lukim wanem Proverbs hem talem. [Readim Proverbs 26:20.] Disfala magasin hem storyim samfala advaes long Bible wea savve helpem olketa famili for stap gud.”