Wastaoa ONLINE LIBRARY
Wastaoa
ONLINE LIBRARY
Solomon Islands Pidgin
  • BIBLE
  • OLKETA PABLIKESON
  • OLKETA MEETING
  • wp20 No. 3 p. 12
  • Hao for Showimaot Love lo Olketa Narawan

Disfala sekson no garem eni video.

Sorre, disfala video no savve plei distaem.

  • Hao for Showimaot Love lo Olketa Narawan
  • Wastaoa wea Talemaot Kingdom Bilong Jehovah (Pablik)—2020
  • Subheding
  • Olketa Nara Article
  • WANEM OLKETA HOLY RAETING TALEM ABAOTEM LOVE
  • WANEM HEM MINIM FOR LOVEM NARAWAN
  • “Mekem Hem Wei Bilong Iufala For Showimaot Love”
    Kam Klos Long Jehovah
  • Love—Hem Nambawan Fasin
    Wastaoa wea Talemaot Kingdom Bilong Jehovah (Study)—2017
  • Hao for Gohed Strongim Love blo Iumi for Each Other
    Wastaoa wea Talemaot Kingdom Bilong Jehovah (Study)—2023
  • Lovem God wea Lovem Iu
    Wastaoa wea Talemaot Kingdom Bilong Jehovah—2006
Samfala Moa
Wastaoa wea Talemaot Kingdom Bilong Jehovah (Pablik)—2020
wp20 No. 3 p. 12
Datfala Samaritan man lo tokpiksa blo Jesus, putim oil lo garekil blo man wea olketa killim hem nogud and leavim lo saed road.

Love mekem iumi for tingim narawan firstaem

Hao for Showimaot Love lo Olketa Narawan

From iumi evriwan kam from laen blo firstfala man, Adam, iumi wan famili nomoa. Iumi expectim olketa wea insaed wan famili for lovem and respectim each other, bat distaem diskaen love no stap. God wea lovem iumi no laekem diswan.

WANEM OLKETA HOLY RAETING TALEM ABAOTEM LOVE

“Iu mas lovem narawan long sem wei wea iu lovem iuseleva.”—LEVITICUS 19:18, NW.

“Gohed lovem olketa enemy bilong iufala.”—MATTHEW 5:44.

WANEM HEM MINIM FOR LOVEM NARAWAN

Lukim hao God storyim love lo 1 Corinth 13:4-7:

“Love hem patient and kaen.”

Tingim diswan: Taem olketa narawan patient, kaen, and no kros lo iu taem iu duim mistek, iu tinghae lo datwan, iaman?

Love “no savve jealous.”

Tingim diswan: Hao nao feeling blo iu taem olketa narawan jealous or no trustim iu? Iu no hapi, iaman?

Love “no tingim hemseleva nomoa.”

Tingim diswan: Taem olketa narawan respectim tingting blo iu and no forcem tingting blo olketa, iu tinghae lo datwan, iaman?

Love “no tingim olowe nogud samting wea narawan duim.”

Tingim diswan: God willing for forgivim pipol wea sin and repent. Bible sei: “Hem bae no tingim olowe nogud samting wea man duim, and bae hem no keepim kros.” (Psalm 103:9, NW) Iumi hapi taem samwan wea iumi mekem hem feel nogud hem forgivim iumi. So iumi shud willing for forgivim narawan taem hem mekem iumi feel nogud.—Sams 86:5.

Love “no hapi long olketa nogud samting.”

Tingim diswan: Iumi no laekem narawan for hapi lo olketa nogud samting wea kasem iumi. So iumi no hapi taem narawan kasem nogud samting, nomata hem treatim iumi nogud.

For iumi kasem blessing from God, iumi mas showimaot diskaen love lo evri difren kaen pipol. Wanfala wei for iumi showimaot love, hem for duim samting for olketa wea needim help.

    Solomon Islands Pidgin Pablikeson (1988-2024)
    Log Aot
    Log In
    • Solomon Islands Pidgin
    • Sharem
    • Settings
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Setting
    • JW.ORG
    • Log In
    Sharem