Olketa No Weistim Eni Samting

Bihaen Jesus duim mirakol for feedim 5,000 man, witim olketa woman and pikinini tu, hem sei olsem long olketa disaepol: “Hipimap olketa leftova bred mekem iumi no weistim eni samting.” (Joh 6:12) Jesus showimaot hem tinghae long wanem Jehovah givim taem hem no weistim eni samting.

Distaem, Governing Body followim example bilong Jesus taem olketa iusim gud olketa contribution wea olketa brata and sista givim. Olsem example, taem olketa buildim world hedquarter long Warwick, long New York, olketa brata chusim olketa design wea iusim gud olketa donation.

WANEM NAO IUMI SAVVE DUIM FOR NO WEISTIM ENI SAMTING . . .

• 

  taem iumi attendim olketa meeting?

• 

  taem iumi tekem olketa pablikeson for iumiseleva? (km 5/09 3 par. 4)

• 

  taem iumi tekem olketa pablikeson for iusim long ministry? (mwb17.02 “Iusim Olketa Bible Pablikeson Long Wisefala Wei” par. 1)

• 

  taem iumi duim ministry? (mwb17.02 “Iusim Olketa Bible Pablikeson Long Wisefala Wei” par. 2, box)