Olketa Tru Christian Mas Showimaot Love—Keepim Wei for Wan Mind

WHY HEM IMPORTANT: Long naet bifor Jesus dae, hem prea and askem God for mekem olketa disaepol bilong hem “barava wan mind.” (Joh 17:23) For iumi gohed wan mind, iumi mas showimaot love and “no tingim olowe nogud samting wea narawan duim” long iumi.—1Co 13:5.

WANEM FOR DUIM:

• Followim example bilong Jehovah for tingim gud saed bilong narawan

• Willing for forgive

• Bihaen iu stretem problem witim narawan, no storyim datwan moa long hem.—Provebs 17:9

LUKIM VIDEO “IUFALA LOVEM IUFALA EVRIWAN”—NO TINGIM OLOWE NOGUD SAMTING WEA NARAWAN DUIM, THEN ANSAREM OLKETA KWESTIN HIA:

• Long first part long video, hao nao Hellen showimaot hem ‘tingim olowe nogud samting wea narawan duim long hem’?

• Long mek-tu part long video, hao nao Hellen changem tingting bilong hem mekem hem tingim gud saed bilong narawan?

• Hao nao samting wea Hellen duim helpem kongregeson for gohed garem wan mind?