Kamap Gud Long Ministry​—Stop for Studyim Bible Witim Student wea No Muv Ahed

WHY HEM IMPORTANT: For pipol sev, olketa mas prea long nem bilong Jehovah. (Ro 10:13, 14) Nomata olsem, no evriwan wea studyim Bible laek for followim olketa standard bilong Jehovah. Iumi savve iusim gud taem bilong iumi long ministry taem iumi helpem pipol wea barava laek for change for mekem Jehovah hapi. Sapos bihaen samfala taem Bible study bilong iumi no muv ahed long spiritual wei, hem bae wise for iumi stop for study witim hem and waka hard for helpem olketa wea Jehovah leadim kam long hem and long organization bilong hem. (Joh 6:44) Bat sapos maet long future datfala student hem duim samfala samting wea showimaot hem change from hem “laekem laef olowe” iumi bae hapi for study bak moa witim hem.—Ac 13:48.

WANEM FOR DUIM:

• Praisem Bible student from hem laek for garem stretfala savve abaotem olketa tru teaching.—1Ti 2:4

• Storyim long Bible student why hem important for hem followim wanem hem lanem from Bible.—Lu 6:46-49

• Long kaenfala wei storyim long Bible student tokpiksa bilong Jesus abaotem man wea plantim seed, and askem hem for ting raonem wanem nao mekem hem hol bak for followim wanem hem lanem.—Mt 13:18-23

• Long kaenfala wei explainim why iutufala bae stop for study

• Talem hem iu bae visitim hem samfala taem for encouragem hem and iutufala savve study long future moa sapos hem muv ahed long spiritual wei

LUKIM VIDEO, THEN ANSAREM OLKETA KWESTIN HIA:

• Wanem nao iu lanem from datfala study wea showimaot student no muv ahed long spiritual wei?

• Hao nao datfala pablisa helpem student for luksavve hem need for changem samfala samting?

• Hao nao study conductor savve helpem student bilong hem for minim tufala savve study moa sapos student laekem datwan?