Kasem Education From Jehovah

WHY HEM IMPORTANT: Best education wea iumi savve kasem hem from Jehovah, datfala Nambawan Teacher. Hem teachim iumi hao for garem gudfala laef distaem and hao for kasem gudfala laef long future, and disfala education hem free nomoa! (Aesaea 11:6-9; 30:20, 21; Re 22:17) Education from Jehovah hem mekem iumi fit tu for preachim message wea savve sevem laef bilong pipol.—2Co 3:5.

WANEM FOR DUIM:

• Waka hard for evritaem garem hambol fasin.—Sams 25:8, 9

• Kasem training distaem, olsem example, for duim olketa student assignment long midol week meeting

• Markem olketa spiritual goal and waka hard for kasem.—Php 3:13

• Willing for mekem olketa sakrifaes mekem iu fit for kasem moa training.—Php 3:8

LUKIM VIDEO TEACHING BILONG JEHOVAH MEKEM OLKETA RICH LONG SPIRITUAL WEI, THEN ANSAREM OLKETA KWESTIN HIA:

• Wanem nao mekem samfala pablisa hol bak firstaem for attendim Skul for Olketa Kingdom Evangelizer?

• Olketa wea attendim Skul for Olketa Kingdom Evangelizer kasem wanem kaen training?

• Taem olketa student wea graduate kasem niu assignment, wanem nao olketa long kongregeson duim for helpem olketa?

• Hu nao savve apply for attendim Skul for Olketa Kingdom Evangelizer? (kr-E 189)

• Wanem nao samfala nara training wea iumi savve kasem from organization bilong Jehovah?