Kamap Gud lo Ministry​—Preach lo Olketa wea Blind

WHY HEM IMPORTANT: Pipol wea blind savve fraet for story lo samwan wea olketa no savve lo hem. So iumi mas lanem hao for story lo olketa mekem iumi preach lo olketa. Jehovah hem tingim olketa wea blind. (Levitikas 19:14) Iumi savve followim example blo Jehovah taem iumi helpem olketa for lane abaotem hem.

WANEM FOR DUIM:

• “Lukaotem” pipol wea blind. (Mt 10:11) Sapos samwan talem iu famili member blo hem blind, waswe, iu savve go lukim datwan wea blind? Waswe, territory blo iu garem skul or organization for olketa wea blind?

• Showimaot iumi tingim olketa. Taem iu story kaen and tingim olketa wea blind, datwan bae helpem olketa for feel free for story. Storyim samting wea olketa bae interest lo hem.

• Helpem olketa for lane abaotem Jehovah. Organization blo Jehovah wakem olketa difren kaen pablikeson for helpem olketa wea blind. Askem man wea blind wanem kaen pablikeson nao hem laekem. Service overseer shud mek sure literature servant raetem lo order kaen pablikeson wea blind man laekem