Jehovah Talem Wanem Hem Bae Duim lo Pharaoh

6:1, 6, 7; 7:4, 5

Jehovah talem olketa Israelite wanem hem bae duim bifor hem mekem tenfala nogud samting for kasem pipol lo Egypt and mekem olketa Israelite for kamap free. Olketa Israelite bae lukim Jehovah iusim paoa blo hem for duim samting wea olketa no lukim bifor, and pipol blo Egypt bae luksavve Jehovah nao hem trufala God. Taem God duim wanem hem promisim, datwan strongim faith blo olketa Israelite and helpem olketa tu for no followim religion blo pipol lo Egypt.

Hao nao disfala story lo Bible helpem iu for barava sure evri promis blo Jehovah for future bae kamap tru?