Careful for No Spredim Laea Story

Distaem, staka million pipol savve kwiktaem kasem information thru lo niuspepa, radio, television, and lo Internet. Iumi wea worshipim “God hu Hemi Toktru” no laek for spredim eni laea story. (Aesaea 65:16; Eksodas 23:1) Olketa laea story savve mekem bigfala problem for olketa narawan. For savve sapos story hem tru, hem gud for tingim olketa kwestin olsem:

• ‘Disfala story start kam from wea?’ Man wea talem story maet no savve lo full story. Taem pipol talem story lo narawan, story hia savve change, so hem gud for mek sure wea nao story hia kam from. Iumi trustim story blo olketa wea garem responsibility lo kongregeson, so olketa mas careful for storyim olketa samting wea tru

• ‘Waswe, hem story wea spoelem narawan?’ Sapos story hem spoelem wanfala man or wanfala grup blo pipol, iumi shud no spredim story hia.—Pr 18:8, NW; Php 4:8

• ‘Waswe, mi fit for trustim story hia?’ Iumi mas careful for bilivim story and experience wea luk olsem hem ova tumas

LUKIM VIDEO HAO FOR STOPEM GOSSIP, THEN ANSAREM OLKETA KWESTIN HIA:

• 

  Wanem nao Provebs 12:18 sei abaotem wanem iumi talem?

• 

  Wanem nao Philippi 2:4 helpem iumi for tingim taem iumi story abaotem olketa narawan?

• 

  Wat nao iumi shud duim sapos samwan start for tok daonem or tok spoelem narawan?

• 

  Bifor iumi start for story abaotem narawan, olketa wanem kwestin nao hem gud for tingim?