Waswe, Iu Savve Iusim Taem and Strong blo Iu for Duim Waka?

Olsem Isaiah profesi abaotem, iumi lukim organization blo Jehovah lo earth hem kamap big. (Aesaea 54:2) So olketa need for wakem olketa niu Kingdom Hall, Assembly Hall, and branch office. Bihaen olketa wakem finis olketa building hia, olketa needim maintenance, and gogo samfala building iumi mas fixim or wakem gud moa. From staka waka olsem hem stap, hao nao iumi savve iusim taem and strong blo iumi for duim waka for Jehovah?

• Joinim preaching grup blo iumi lo taem grup klinim Kingdom Hall

• Iumi savve volunteer for kasem training for duim maintenance lo Kingdom Hall blo iumi

• Iumi savve fillimap Local Design/Construction Volunteer Application (DC-50) form mekem iumi savve help lo construction and maintenance project lo kantri lo iumi

• Iumi savve fillimap Application for Volunteer Program (A-19) form and volunteer for help for wanfala week or winim lo Bethel or lo nara branch office

LUKIM VIDEO MIFALA PLANIM NIU CONSTRUCTION PROJECT—PART BLO VIDEO, THEN ANSAREM OLKETA KWESTIN HIA:

• Storyim kam hao organization iusim staka video start kam lo 2014.

• For organization gohed wakem staka video, wanem building project nao olketa plan for duim, and disfala project bae gohed for hao long?

• Wanem nao olketa volunteer savve duim for help lo project hia?

• Sapos olketa brata and sista lo America laek waka lo Ramapo construction, why nao olketa shud fillimap DC-50 form and help lo Local Design/Construction project lo kantri blo olketa?

• Wanem nao showimaot Jehovah hem directim disfala project?

• Hao nao iumi savve sapotim datfala project nomata iumi no fit for duim construction waka?