Spesol Campaign lo November for Mekhae lo Kingdom blo God

Jesus “talemaot gud nius abaotem Kingdom blo God.” (Lu 4:43) Hem teachim pipol for prea for datfala Kingdom tu. (Mt 6:9, 10) Lo November, bae iumi duim spesol campaign for mekhae lo Kingdom blo God. (Mt 24:14) Plan distaem, mekem iu savve joinim campaign. Sapos iu auxiliary pioneer lo datfala month, iu savve duim 30 or 50 hour.

Trae for readim scripture abaotem Kingdom blo God lo staka pipol lo territory blo iu. Iusim scripture wea bae helpem haosholder for lanem moa samting abaotem Kingdom. Taem samwan showimaot hem interest lo datfala subject, givim hem pablik Wastaoa No. 2 blo 2020. Then kwiktaem go bak lo olketa and trae for startim Bible study lo wanfala pablikeson from Teaching Toolbox. Klosap nao Kingdom blo God bae finisim evri gavman wea againstim datfala Kingdom. (Daniel 2:44; 1Co 15:24, 25) So iumi laek for duim staka waka lo taem blo disfala spesol campaign for showimaot iumi sapotim Jehovah and Kingdom blo hem!