Spesol Campaign lo September for Mekhae lo Kingdom blo God!

Lo September, iumi bae traem best for talem lo pipol hao Kingdom blo God nomoa hem only samting wea bae stretem evri problem wea olketa man kasem distaem. (Mt 24:14) Wat nao iu savve duim for join insaed disfala waka? Readim wanfala scripture wea story abaotem Kingdom blo God witim staka pipol wea iu meetim lo datfala month. If samwan hem interest, givim lo hem wanfala copy blo pablik magasin blo Wastaoa No. 2 2020. Then kwiktaem go bak lo datfala person wea interest, and trae for startim Bible study lo wei for iusim Enjoyim Laef for Olowe! brochure. Sapos iu auxiliary pioneer lo datfala month, iu savve duim 15 or 30 hour.

Klosap nao Kingdom blo God bae finisim evri gavman wea againstim datfala Kingdom. (Da 2:44; 1Co 15:24, 25) Iumi laek for givim full best blo iumi lo taem blo disfala spesol campaign for showimaot iumi sapotim Jehovah and Kingdom blo hem!