LAEF BLO CHRISTIAN

Mekem Gud Disison Saed lo Wei for Drinkim Alcohol

Part lo datfala video ‘Tingting Gud Bifor Iu Drink.’ Wanfala snek wea garem tufala big teeth hem kamaot lo wanfala kap wea alcohol insaed wea wanfala man hem holem.

Evri Christian need for garem wei for kontrolem seleva saed lo alcohol. (Provebs 23:20, 29-35; 1Co 6:9, 10) Sapos wanfala Christian chus for drink, hem shud no ova tumas. And tu, hem mas stap klia lo wei for depend lo alcohol and no mekem olketa narawan for stambol. (1Co 10:23, 24; 1Ti 5:23) No eniwan shud mekem narawan, especially olketa young wan, for feel olsem olketa mas tekem alcohol.

WATCHIM WHITEBOARD VIDEO TINGTING GUD BIFOR IU DRINK, AND THEN ANSAREM OLKETA KWESTIN HIA:

Why nao evri Christian mas obeyim olketa law saed lo wei for drinkim alcohol?—Ro 13:1-4
Why nao iumi shud no letem olketa narawan for givim pressure lo iumi for drinkim alcohol?—Ro 6:16
Hao nao iumi savve stap klia lo olketa situation saed lo wei for tekem alcohol wea maet putim iumi lo danger?