DUIM GUD MINISTRY BLO IU | HAO FOR IU BARAVA ENJOYIM MINISTRY
Acceptim Help From Olketa Brata and Sista
Jehovah hem provaedem olketa brata and sista “evriwea lo world” for helpem iumi. (1Pe 5:9) Olketa savve helpem iumi for winim eni challenge lo ministry. Olsem example, Paul hem kasem gud samting from help blo Aquila and Priscilla, Silas, Timothy, and olketa narawan.—Ac 18:1-5.
Hao nao olketa brata and sista savve helpem iu lo ministry? Olketa maet givim iu samfala gud idea lo hao for deal witim samwan lo ministry wea laek for stopem story, hao for duim return visit, or for startim and conductim Bible study. Trae for tingim samwan lo kongregeson blo iu wea maet savve helpem iu, and then go askem hem. For sure, iutufala evriwan bae kasem gud samting, and iutufala evriwan bae hapi.—Php 1:25.
WATCHIM VIDEO HAPI TAEM IUMI ACCEPTIM HELP BLO JEHOVAH FOR MEK DISAEPOL—OLKETA BRATA AND SISTA, AND THEN ANSAREM OLKETA KWESTIN HIA:
Wanem nao Neeta duim for encouragem Jade for attendim olketa kongregeson meeting?
Why nao iumi shud invaetem nara pablisa for joinim iumi lo Bible study?
Full kongregeson nao savve helpem samwan for kamap disaepol
Wanem nao Jade and Abigay interest lo hem?
Wanem nao samfala gud idea for iusim lo ministry wea iu lanem from nara pablisa?