GUD SAMTING FROM BIBLE

Barava Trustim Jehovah Witim Full Heart

Caleb barava trustim Jehovah witim full heart start from taem hem young yet (Josua 14:7, 8)

Bihaen, Caleb trustim Jehovah for helpem hem lo assignment blo hem wea no isi (Josua 14:10-12; w04 12/1 11 ¶1)

Caleb kasem reward bikos hem servem Jehovah witim full heart (Josua 14:13, 14; w06 10/1 20 ¶11)

Olketa piksa: Wanfala faithful sista gohed for deal witim wei wea hem olo. 1. Hem holem walking stik taem hem sidaon and prea. 2. Hem duim pablik witnessing witim wanfala young sista. 3. Hem showim photo album lo olketa pikinini lo kongregeson blo hem. 4. Hem smile big.

Faith blo Caleb gohed for kamap strong taem hem followim olketa direction blo Jehovah and kasem olketa blessing from hem. Iumi tu savve gohed strong lo service blo iumi for Jehovah taem iumi lukim wei wea Jehovah ansarem olketa prea blo iumi and lukim wei wea hem givim direction lo iumi.—1Jo 5:14, 15.