DUIM GUD MINISTRY BLO IU | HAO FOR IU BARAVA ENJOYIM MINISTRY
Teachim Bible Student for Study Seleva
For olketa Bible study savve hao for feedim olketa seleva lo spiritual kaikai and kamap mature, olketa mas no just lane abaotem truth wea iumi teachim olketa. (Mt 5:3; Heb 5:12–6:2) Bat olketa need for lanem tu hao for feedim olketa seleva thru lo wei for duim study seleva.
Lo firstaem iu startim study, showim lo olketa Bible student blo iu hao for prepare for Bible study, and encouragem olketa for duim datwan. (mwb18.03 6) Encouragem olketa for prea evritaem bifor olketa duim study seleva. Helpem olketa for savve hao for kasem and iusim olketa digital tul for study. Explainim lo olketa hao for ap-tu-date witim olketa niu samting lo jw.org and JW Broadcasting®. Isisi teachim olketa for readim Bible evriday, prepare for olketa kongregeson meeting, and for duim research for faendem ansa for olketa kwestin wea olketa garem. Helpem olketa for ting raonem wanem olketa lanem.
WATCHIM VIDEO HELPEM BIBLE STUDENT FOR DUIM STUDY SELEVA, AND THEN ANSAREM OLKETA KWESTIN HIA:
Hao nao Neeta helpem Jade for luksavve dat for study hem no just for faendem olketa ansa nomoa?
Wat nao helpem Jade for barava sure dat Jehovah garem raet for stopem wei for durong?
Teachim student blo iu lo hao for study seleva
Wat nao Jade start for luksavve lo hem abaotem wei for ting raonem samting?