Helpem Bible Study for Fren Gud Witim Jehovah

Jehovah laekem iumi for servem hem bikos iumi lovem hem. (Mt 22:37, 38) Love for God nao bae muvim Bible student for mekem olketa change for stand strong taem olketa kasem olketa test. (1Jo 5:3) Love wea olketa garem for God nao bae muvim olketa for baptaes.

Helpem student for lukim wei wea God lovem olketa. Askem olketa kwestin olsem: “Wat nao diswan hem teachim iu abaotem Jehovah?” or “Hao nao diswan showimaot love blo God for iu?” Helpem olketa for luksavve lo hao Jehovah hem helpem olketa. (Mektu Kronikols 16:9) Storyim olketa example lo hao Jehovah ansarem olketa prea blo iu, and encouragem hem for lukim hao Jehovah savve ansarem prea blo olketa tu. Iumi bae hapi tumas taem iumi lukim wei wea olketa Bible student feelim love blo Jehovah and olketa showimaot olketa lovem Jehovah tu.

WATCHIM VIDEO HELPEM BIBLE STUDY FOR FREN GUD WITIM JEHOVAH, AND THEN ANSAREM OLKETA KWESTIN HIA:

• 

  Wanem hard taem nao Jade feisim?

• 

  Wat nao Neeta duim for helpem Jade?

• 

  Wat nao Jade duim wea helpem hem for winim datfala hard taem?