GUD SAMTING FROM BIBLE

Gohed Showimaot Love wea Faithful

[Pleim video Lane Abaotem Bible Buk Ruth.]

Naomi encouragem Orpah and Ruth for go bak lo Moab (Rut 1:8-13; w16.02 14 ¶5)

Ruth no laek for lusim Naomi and Jehovah (Rut 1:16, 17; w16.02 14 ¶6)

Olketa piksa: 1. Wanfala mami and smol gele blo hem story lo video kol witim wanfala couple. 2. Datfala couple tekem kam tane kaikai and wanfala basket kaikai for datfala mami and pikinini.

Taem man garem love wea faithful datwan minim hem disaed strong for faithful and no lusim narawan nomata wanem happen. Jehovah showimaot love wea faithful lo olketa servant blo hem wea faithful. (Sams 63:3) So iumi tu shud showimaot love wea faithful lo olketa narawan.—Provebs 21:21.