Pioneer

Iumi wise sapos iumi iusim strong blo iumi for kasem olketa spiritual goal. (1Co 9:26) Taem iumi markem olketa goal bae iumi iusim gud taem blo iumi bifor disfala system hem finis. (Eph 5:15, 16) Lo taem blo famili worship, hao sapos iufala markem olketa goal for next service year? Disfala meeting buk garem olketa article wea bae helpem iu for markem olketa goal wea iu savve ting raonem and prea abaotem.​—Jas 1:5.

For example, waswe, evriwan lo famili savve waka tugeta and plan for eniwan lo famili for regular pioneer? Sapos iu tingse iu no fit for kasem hour blo regular pioneer, story witim samfala pioneer wea situation blo olketa olsem iu. (Provebs 15:22) Maet iu savve interviewim wanfala pioneer taem iufala duim famili worship. Then raetem samfala schedule wea maet fitim. Sapos iu pioneer bifor, ting raonem if situation blo iu distaem hem fitim for iu pioneer moa.

Waswe, eniwan lo famili blo iu savve auxiliary pioneer for wanfala month or winim? Sapos iu no strong olsem bifor, maet iu savve markem lelebet taem each day for duim ministry mekem iu auxiliary pioneer. Sapos iu no savve duim ministry lo midol week bikos iu waka full-taem or skul, maet iu chus for pioneer lo month wea garem holiday or faevfala weekend. Raetem lo kalenda olketa month wea iu plan for auxiliary pioneer and raetem wanfala schedule.​—Provebs 21:5.

WATCHIM VIDEO NO FRAET . . . OLKETA PIONEER, AND THEN ANSAREM DISFALA KWESTIN:

• Wat nao experience blo Sista Aamand teachim iumi abaotem hao Jehovah lukaftarem olketa wea mekem olketa sakrifaes for pioneer?