Go lo Ples wea Garem Bigfala Need

Man need for garem faith for muv go lo wanfala niu ples for duim moa samting lo ministry. (Heb 11:8-10) Sapos iu garem goal for muv go lo ples wea garem bigfala need, story witim olketa elder lo kongregeson blo iu. Wat nao samfala samting wea iu savve duim for kaontem kost and chusim wea for go? Readim olketa information lo pablikeson blo iumi abaotem wei for muv lo ples wea garem need. Story lo olketa wea muv finis for helpem nara kongregeson. (Provebs 15:22) Askem help blo Jehovah thru lo prea. (Jas 1:5) Duim research abaotem ples wea iu ting for muv go lo hem and sapos fitim, visitim datfala ples for tu-thri day bifor iu disaed for go serve lo there.

WATCHIM VIDEO GAREM FAITH AND GO INSAED DOOR FOR DUIM MOA SAMTING​—GO LO PLES WEA GAREM BIGFALA NEED, AND THEN ANSAREM OLKETA KWESTIN HIA:

• Wanem nao challenge wea Gabriel need for winim, and wat nao helpem hem?