GUD SAMTING FROM BIBLE

Loyal Love blo God Protectim Iumi From Laea blo Satan

Satan laekem pipol for bilivim Jehovah nao kosim olketa nogud samting for happen (Job 8:4)

Satan laekem iumi for ting dat Jehovah hem no kea sapos iumi garem faith lo hem or nomoa (Job 9:20-22; w15-E 7/1 12 ¶3)

Loyal love blo Jehovah helpem iumi for luksavve lo olketa laea blo Satan and helpem iumi for gohed faithful (Job 10:12; Ps 32:7, 10; w21.11 6 ¶14)

Wanfala sista hem sidaon, ting raonem and raetem olketa difren blessing wea hem kasem. Olketa nara piksa showim wanfala couple tekem kam olketa kaikai, wanfala sista hagem hem lo Kingdom Hall, and hem watchim wanfala JW Broadcasting program.

TRAEM DISWAN: For strongim iuseleva taem iu kasem wanfala test, ting raonem olketa wei wea Jehovah showimaot loyal love lo iu. Hem gud for raetem daon datwan and reviewim evritaem.