Idea for Personal Study

Markem Firstaem Wat for Studyim

Iumi evriwan garem lelebet taem nomoa for duim personal study. Hao nao iumi savve iusim gud datfala taem? First samting, no ras. Bae iu kasem gud samting if iu studyim gud wanfala information winim for readim nomoa staka information kwiktaem.

Then, markem firstaem wat for studyim. (Eph. 5:15, 16) Diswan hem samfala idea:

• Readim Bible evriday. (Ps. 1:2) Maet hem gud for iu start witim olketa chapter lo Bible reading schedule for midol week meeting.

• Prepare for Wastaoa Study and midol week meeting. Prepare gud mekem iu givim koment.​—Ps. 22:22.

• Trae for up-to-date tu witim olketa nara spiritual kaikai, olsem pablik magasin, olketa video, and olketa nara article lo jw.org.

• Duim study project. Iu savve duim research abaotem wanfala challenge wea iu feisim, kwestin wea iu garem, or wanfala Bible topic wea iu laek minim gud. For garem samfala idea moa, go lo sekson “Bible Study Activities” lo jw.org.