Spiritual Pipol Mekem Wise Disison

Readim Genesis 25:​29-34 for lanem sapos Esau and Jacob mekem olketa wise disison.

Lanem moa samting from context blo story. Wat nao happen bifor? (Gen. 25:​20-28) Wat nao happen afta?—Gen. 27:​1-46.

Duim moa research abaotem olketa detail. Lo datfala taem, wat nao raet blo firstborn son and olketa waka blo hem?—Gen. 18:​18, 19; w10-E 5/1 13.

• Waswe, laen blo Messiah mas evritaem kam from olketa wea garem raet olsem firstborn nomoa? (w17.12 14-15)

Luksavve lo olketa leson and followim. Why nao Jacob tinghae lo raet blo firstborn winim Esau? (Heb. 12:​16, 17; w03 10/15 28-29) Wat nao feeling blo Jehovah abaotem tufala brata hia, and why nao olsem? (Mal. 1:​2, 3) Wat nao Esau hem shud duim for mekem gud disison?

• Askem iuseleva, ‘Wat nao mi savve duim each week for showimaot mi tinghae lo olketa spiritual samting, olsem for duim famili worship?’