No Givap Taem Pipol Treatim Iu Nogud

Readim Genesis 37:​23-28; 39:​17-23 for lane from example blo Joseph abaotem wei for no givap taem pipol treatim hem nogud.

Lukluk lo context blo story. Why nao olketa narawan treatim nogud Joseph? (Gen. 37:​3-11; 39:​1, 6-10) Hao long nao Joseph mas deal witim datwan? (Gen. 37:2; 41:46) During lo datfala taem, wat nao Jehovah duim for Joseph, and wat nao Hem no duim?—Gen. 39:​2, 21; w23.01 17 ¶13.

Duim samfala research moa. Bible no storyim dat Joseph defendim hemseleva taem waef blo Potiphar laea for accusim hem. Hao nao maet olketa nara scripture hia helpem iumi for minim why Joseph maet chus for no talem eniting? Or hao nao olketa scripture helpem iumi for luksavve why iumi no need for savve lo evri detail? (Prov. 20:2; John 21:25; Acts 21:37) Wat nao samfala quality wea Joseph garem, wea helpem hem for no givap taem olketa treatim hem nogud?—Mic. 7:7; Luke 14:11; Jas. 1:​2, 3.

Luksavve lo wat nao leson. Askem iuseleva:

• ‘From mi disaepol blo Jesus, wat nao samfala nogud samting wea mi expectim for happen?’ (Luke 21:​12, 16, 17; Heb. 10:​33, 34)

• ‘Hao nao mi savve redi for deal witim wei wea pipol treatim mi nogud?’ (Ps. 62:​7, 8; 105:​17-19; w19.07 2-7)