Wat Nao Bible Study Course blo Olketa Jehovah’s Witness?
Olketa Jehovah’s Witness willing for helpem pipol for lane abaotem Bible. Bible study program wea mifala duim savve helpem iu for:
Garem hapi laef
Fren witim God
Lane abaotem olketa promis lo Bible for future
Lo disfala page
If mi acceptim Bible study, bae instructor blo mi forcem mi for kamap Jehovah’s Witness?
If mi study witim Olketa Jehovah’s Witness bifor, mi savve study moa?
Hao, mi garem option for studyim Bible and no needim instructor?
Hao nao for duim Bible study?
Wanfala instructor bae helpem iu for lanem olketa difren topic lo Bible. Bae iu isisi lanem wat Bible teachim and hao Bible savve helpem iu, taem iutufala iusim datfala interactive Bible course Enjoyim Laef for Olowe!. For savve lo samfala samting moa, watchim disfala video.
Hao, mi mas pei for study?
Nomoa. Mifala followim wat Jesus talem lo olketa disaepol: “Samting wea iufala kasem hem free nomoa, so iufala mas no askem selen for samting wea iufala duim.” (Matthew 10:8) Mifala no kasem pei for disfala waka, and for iu kasem wanfala Bible and buk Enjoyim Laef for Olowe! hem free tu.
Hao long nao disfala course?
Datfala buk for study hem garem 60 leson. Iuseleva nao bae disaedem hao many leson iu laek for studyim, bat staka wea study laek for duim tu-thri leson each week.
Wat nao bae mi duim mekem mi study?
1. Fillimap online form. Mifala bae only iusim information blo iu for duim wat iu askem for wanfala Jehovah’s Witness contactim iu.
2. Wanfala instructor bae contactim iu. Instructor blo iu bae explainim wat nao bae iutufala duim lo interactive Bible course, and bae ansarem eni kwestin wea iu garem.
3. Iu and instructor blo iu arrangem taem for study. Iutufala savve study lo haos blo iu, lo telephone, video call, leta, or lo email. Study savve gohed for wan hour, or hem depend nomoa lo schedule blo iu.
Hao, mi savve traem firstaem?
Yes. For duim datwan, fillimap online form. Taem wanfala instructor contactim iu, talem hem hao iu laek for traem firstaem for study. Hem bae iusim disfala brochure Enjoyim Laef for Olowe! wea garem thrifala leson, for savve if iu bae laek for gohed study.
If mi acceptim Bible study, bae instructor blo mi forcem mi for kamap Jehovah’s Witness?
Nomoa. Mifala Jehovah’s Witness laekem tumas for teachim pipol abaotem Bible, bat mifala no forcem olketa for joinim religion blo mifala. Mifala teachim nomoa wat Bible storyim, and mifala luksavve man seleva nao bae mekem disison blo hem.—1 Peter 3:15.
Hao, mi savve iusim own Bible transleison?
Yes, iu savve iusim eni Bible transleison wea iu laekem. Mifala laek for iusim New World Translation of the Holy Scriptures bikos hem klia and accurate, bat mifala luksavve staka pipol laek iusim Bible transleison wea olketa getius lo hem.
Hao, mi savve talem olketa narawan for joinim study tu?
Yes. Iu savve invaetem evriwan lo famili blo iu or eni fren blo iu.
If mi study witim Olketa Jehovah’s Witness bifor, mi savve study moa?
Yes. Maet iu enjoy for duim disfala Bible study course bikos mifala updatem for fitim pipol distaem. Hem garem olketa piksa, olketa video, and hem interactive winim olketa nara Bible study program blo mifala.
Hao, mi garem option for studyim Bible and no needim instructor?
Yes. Staka student laekem wanfala instructor for helpem olketa for lanem Bible, bat olketa narawan laek duim seleva. Lo Olketa Tul for Bible Study page, hem garem list blo olketa free Bible study tul and olketa nara samting wea savve helpem iu for studyim Bible. Diswan hem samfala Bible tul for helpem iu:
Olketa Bible Video. Olketa short video hia explainim olketa main Bible teaching.
Ansa for Olketa Bible Kwestin. Olketa article hia garem ansa for olketa difren Bible kwestin.
Mining blo Olketa Bible Verse. Lane abaotem mining blo olketa well known Bible verse and olketa phrase.