SONG 95
Laet Gohed for Kamap Braet
1. Bifor evri profet trae for savve nao
Abaotem Christ wea God hem markem.
And spirit hem showaot Messiah bae kam,
Hem wei for sev wea God provaedem.
Iumi stap long taem wea Messiah hem King.
Pruv for diswan hem showaot klia.
Hem priv’lege for iumi nao minim diswan,
Angel laek minim tu samting hia!
(CHORUS)
Distaem laet from God start for shaen braet,
Hem torchim nao road b’long iumi.
Luksavve long samting God talem,
Iumi minim nao profesi.
2. Christ Jesus hem markem nao wakaman for
Hem givim kaikai iumi needim.
And distaem iumi savve staka samting
Wea klia and wea isi for minim.
Road b’long iumi klia, iumi wakabaot stret,
From laet hem braet olsem long day.
Thankiu long Jehovah wea givim kam truth
For iumi followim olowe.
(CHORUS)
Distaem laet from God start for shaen braet,
Hem torchim nao road b’long iumi.
Luksavve long samting God talem,
Iumi minim nao profesi.
(Lukim tu Rome 8:22; 1 Cor. 2:10; 1 Pet. 1:12.)