2011 Calendar Mekhae Long Famili Worship

Theme for 2011 Calendar of Jehovah’s Witnesses hem Famili Worship. Long disfala calendar, hem garem olketa piksa bilong olketa famili distaem and olketa famili long taem bifor. Hem garem tu piksa bilong olketa Christian hasband and waef and olketa wea no marit wea studyim Word bilong God.

Olketa man long Bible wea piksa bilong olketa stap long disfala calendar, olketa hapi long law bilong Jehovah, and hem important bikos diswan hem helpem olketa for deal witim hevi wea olketa feisim. (Ps. 1:​2, 3) Taem iumi lukluk gud long each piksa, iumi bae tingim hao Famili Worship hem important, nomata iumi stap long big or smol famili, famili wea evriwan long truth or nomoa. Spes hem stap long calendar for iu raetem day wea famili bilong iu markem for duim Famili Worship. Waswe, iu raetem finis?