PART 1

Hao Nao God Story Kam Long Iumi?

God iusim Bible for story kam long iumi. 2 Timothy 3:16

Jehovah sidaon long throne long heven and hem iusim olketa man for raetem Bible

Trufala God hem iusim olketa man for raetem tingting bilong hem long wanfala holy buk. Datfala buk hem Bible. Hem storyim olketa important samting wea God laekem iu for savve.

God hem savve long best samting for iumi duim. Taem iu followim wanem hem talem, iu bae kamap wise.—Proverbs 1:5.

Staka difren languis Bible. Man readim Bible long languis bilong hem

God laekem evriwan long earth for readim Bible. Distaem Bible hem stap long staka languis.

Sapos iu laek followim wanem God hem talem, iu mas readim Bible and minim gud.

Pipol long evri ples olketa gohed for herem and followim wanem God talem. Matthew 28:19

Wanfala Jehovah’s Witness readim scripture long wanfala man and hem studyim Bible witim hem

Olketa Jehovah’s Witness savve helpem iu for minim gud Bible.

Olketa teachim tru samting abaotem God long evri kantri.

Wanfala meeting long Kingdom Hall bilong Olketa Jehovah’s Witness

Iu bae no givim eni selen for olketa teachim iu. Iu savve lane abaotem God tu long Kingdom Hall bilong Olketa Jehovah’s Witness.