STUDY 16

Encouragem Man

Job 16:5

WANEM FOR DUIM: No storyim tumas olketa problem, bat mekhae long olketa gudfala samting and storyim olketa samting wea bae strongim narawan.

Tingim gud saed bilong olketa wea lisin. Trustim hao olketa brata and sista bilong iu laek for mekem Jehovah hapi. Nomata iu mas givim kaonsel, firstaem iu shud lukaotem chance for praisem olketa.

Showimaot love taem iu story. No story from iu kros long olketa brata and sista. Smile taem iu story, bikos datwan bae helpem audience for trustim iu.
No storyim tumas olketa nogud samting. Sapos iu story abaotem samfala nogud samting wea happen, datwan shud helpem iu for mekhae long gud samting wea Bible talem. Main samting wea iumi laek storyim nao hem olketa gudfala samting.
Evritaem iusim Bible. Mekhae long olketa gud samting wea Jehovah duim for olketa man. Storyim wanem hem duim finis, wanem hem duim distaem, and wanem hem bae duim long future. Encouragem and strongim olketa wea lisin long iu.