Nomata Bible Hem Old Buk Hem Helpem Iumi Distaem
Staka pipol tinghae lo Bible bikos hem kam from God. Bible storyim hao for worshipim God, bat hem storyim tu advaes wea savve helpem iumi lo laef.
Tingim wanem samfala pipol talem abaotem gud samting wea olketa kasem from olketa readim and followim advaes lo Bible.
Fiona sei: “Distaem mi savve kontrolem feeling blo mi. Mi no wari or sorre tumas. Mi feel hapi.”
Elena sei: “Taem mi studyim Bible, datwan helpem mi for garem gud laef.”
Andrew sei: “Laef blo mi barava change. Distaem mi no spendem tumas taem lo waka and mi garem taem for famili blo mi.”
Staka pipol wea readim Bible kasem sem samting. Taem olketa followim advaes lo Bible lo laef blo olketa, olketa kasem gud samting.
Iumi bae storyim hao Bible helpem pipol saed lo. . .
Health
Wei blo olketa
Famili and olketa fren
Selen
Fren witim God
Bible hem buk wea kam from God and savve helpem iumi lo laef blo iumi.