Part 3
How You-Me Savvy One-Fella God Him Really Stop
1, 2. Wanem principle now helpim you-me for look savvy suppose one-fella God him really stop or no more?
ONE-FELLA way for look savvy suppose one-fella God him really stop or no more him long way where you-me followim this-fella principle where stop for long-fella time finish: Something where stop needim someone for workim. Something where hard too much for workim, him meanim someone where workim must gettim more savvy too.
2 For example, look roundim house belong you. All’gether table, chair, desk, bed, pot, saucepan, plate, and every other-fella something for use-im time you kaikai, they needim someone for workim, and all’gether wall, floor, and ceiling too. But, every something here they easy no more for workim. From every something where simple needim someone for workim, which way, him followim good-fella thinkthink for you-me say every something where hard for workim, needim someone where more clever for workim?
Number One Universe belong You-me
3, 4. How now universe helpim you-me for savvy God him really stop?
3 One-fella watch needim someone for workim. Which way long big-fella solar system belong you-me, withim Sun and all’gether planet belong him where move go roundim him long barava time belong them inside long staka hundred year where go past finish? Which way long this-fella number one galaxy where you-me stop long him, where people callim Milky Way, where gettim winnim 100 billion star inside? Which way, some-fella time you look go up long Milky Way long night? Which way, you surprise? Then think long this-fella barava big-fella universe where gettim staka billion galaxy where man no savvy countim, all-same Milky Way belong you-me! And too, all’gether something where stop long heaven (sun, moon and all’gether star) where move go long barava time belong them inside long staka hundred year where go past finish, make-im people markim all’gether here withim all’gether watch where showim barava straight-fella time every bit.
4 Suppose one-fella watch, where him one-fella simple something no more, him prove-im how someone where savvy for workim watch him stop, there now, this-fella number one universe where him big too much, him prove-im how someone where plannim and workim him stop. That’s-the-way, Bible him tellim you-me for ‘raise-im eye belong you-me high and lookim,’ and then him ask: “Who now create-im every something here?” Answer him all-same: “Him now that One [God] where tellim all’gether army belong them for come out, and callim everyone long name belong them. From him barava strong and gettim big-fella power, no more anyone long all’gether here him lose.” (Isaiah 40:26) There now, universe him come up from one-fella power where man no savvy lookim, where look afterim every something, where clever too much—God, him workim.
Earth Where Him Good Too Much
5-7. Wanem something about earth now show out him gettim Someone Where Plannim?
5 Time all’gether man belong science they go ahead for studyim more this-fella earth, they look savvy more how earth him good too much for all’gether man for stop long him. Him stop no faraway too much and no close up too much long sun, make-im him gettim light and hot where him needim. One-fella time inside long one-fella year him move go roundim sun long way where him turn little bit long one-fella side belong him, make-im all’gether season come up long staka different part belong earth. This-fella earth him turn roundim self too one-fella time inside long 24 hour, make-im time belong light and time belong dark they come up everytime. Earth gettim atmosphere where stop roundim him where gettim all’gether different kind gas where fit, make-im you-me savvy breathe and stop safe from all’gether something (radiation) where savvy spoilim you-me where come from space. Him too gettim water and ground where important for make-im kaikai grow.
6 Suppose all’gether something here and some-fella other-fella something more they no work together, life by-by no stop now. Which way, every something here they come up self no more? Science News him say: “Look all-same every special and good-fella something where happen here they no savvy come up nothing no more.” True now, they no savvy come up self. They needim Someone where clever too much where plannim and workim them.
7 Suppose you go inside long one-fella good-fella house and you findim him gettim staka kaikai inside, him gettim air condition for make-im air him cold, and water supply belong him good too much, wanem now by-by you thinkim? Which way, by-by you thinkim every something here they come up self? No more now, you savvy someone where clever him plannim and workim long good-fella way too much. Someone where plannim and workim earth too him doim long good-fella way too much, make-im him provide-im need belong all’gether where stop long him, and this-fella earth him more hard for workim and gettim staka more something winnim any house.
8. Wanem something more about earth now show out love and care belong God for you-me?
8 And too, thinkim plenty more something where make-im man savvy barava enjoyim life. Looklook long staka different kind good-fella flower where smell nice too much for all’gether man enjoyim. Then plenty different kind kaikai where taste good too much they stop for you-me enjoyim too. All’gether bush, mountain, river, and some-fella other-fella something more they stop where look good too much long man. And too, which way long all’gether time where sun him go down where look good too much for you-me enjoyim long life belong you-me? And long side belong all’gether animal, which way, you-me happy time you-me lookim how all’gether small-fella puppy dog, small-fella pussycat, and every other-fella young-fella animal they play and doim funny something where make-im you-me laugh? There now, earth him provide-im staka nice-fella something where you-me no needim for stop life. All’gether something here show out how someone where plannim earth him doim this one withim love and care, and him thinkim all’gether man, make-im you-me no just stop life no more but enjoyim too.
9. Who now workim earth, and why now him workim?
9 There now, for show out good-fella thinkthink you-me need for look savvy long that One Where Give-im every something, all-same man where write-im Bible him doim too, where tellim all-same about Jehovah God: “Youself now workim heaven and earth.” For wanem now? Him give-im answer time him story about God all-same “Man Where Workim earth, Him now that One where make-im him stand strong, him no workim nothing, him workim for people must stop long him.”—Isaiah 37:16; 45:18.
Number One Living Cell
10, 11. Why now one-fella living cell him barava number one something?
10 Which way long all’gether something where gettim life? Which way, they no needim someone for workim? For example, thinkim few-fella number one something about one-fella living cell. Inside long book belong him, Evolution: A Theory in Crisis (Evolution: One-fella Teaching Where Face-im Hard Time), Michael Denton, one-fella man belong science, him say: “No matter one-fella barava simple something where life long earth this time, all-same all’gether cell belong bacteria, they barava hard something for workim. No matter all’gether small-fella cell belong bacteria they barava small too much, . . . each one they all-same one-fella small-fella factory where gettim staka thousand molecule where all-same machine where hard for workim . . . where barava hard too much for workim winnim any machine where man savvy workim.”
11 Time him story about something where stop inside long each cell, him say: “Way belong DNA for heapim up information him good too much winnim any other-fella something where man savvy long him; him barava good too much all-same one-fella book where weight belong him no catchim one-fella gram and small too much make-im eye no savvy lookim, but him gettim every information where him needim for workim one-fella man. . . . Time you-me thinkim how every part belong him they barava small and hard for workim, but him work good too much winnim all’gether machine where man workim this time, there now, you-me barava feel humble.”
12. Wanem now one-fella man belong science him say about start belong cell?
12 Denton him say more: “Way where one kind cell where simple for good him hard too much for workim, make-im you-me can’t-do-it for acceptim thinkthink where say, shake no more one-fella something him come up self, or him come up from one-fella chance no more.” Him must gettim someone where plannim and workim.
Number One Brain belong You-me
13, 14. Why now brain him barava number one something winnim one-fella living cell?
13 This-fella man belong science him say more: “Way for workim one-fella cell him simple no more suppose you-me markim withim way for workim brain belong man and animal. Brain belong man gettim something all-same ten thousand million nerve cell. Each nerve cell gettim ten thousand go catchim one hundred thousand connecting wire where through long all’gether here him savvy contactim every other-fella nerve cell inside long brain. Total number belong connection all-same inside long brain belong man come catchim close up . . . one thousand million million.”
14 Denton him go ahead for say: “No matter suppose small-fella part no more belong brain him organize good, this one him still winnim every telephone system long this-fella Earth suppose they heapim up together.” Then him ask all-same: “Which way, every number one system all-same savvy come up self?” Him clear too much, answer him no more now. Brain him must gettim Someone Where Plannim and Workim where barava show out care.
15. Wanem now all’gether talktalk where some-fella people tellim about brain?
15 Brain belong man him make-im all’gether number one computer belong this time they look old and no good now. Man belong science Morton Hunt him say: “Brain belong you-me savvy rememberim information plenty billion time more winnim one-fella big-fella computer.” There now, brain surgeon (man for operate-im brain) Dr. Robert J. White him say: “Me must look savvy how Someone Where Barava Clever too much him stop, where plannim and workim number one brain—something where no any man fit for meanim. . . . Me must believe now Someone where barava clever him workim this one.” And him must Someone where show out care too.
Blood System Where Barava Different Every Bit
16-18. (a) Long wanem way now blood system him different every bit? (b) Long wanem something now you-me barava sure?
16 Thinkim, too, blood system where different every bit where carryim go kaikai and oxygen inside long body and protectim body againstim sick. This-fella book ABC’s of the Human Body (All’gether Something about Body belong Man) him story about all’gether red blood cell, one-fella main something belong this-fella system: “One-fella drop belong blood gettim winnim 250 million separate blood cell . . . Body him might gettim something all-same 25 trillion blood cell, him fittim for coverim four-fella tennis court, suppose you-me spreadim out. . . . Inside long every second, body him workim 3 million new-fella cell for change-im all’gether old one.”
17 This-fella same book him tellim all-same about all’gether white blood cell, another-fella part belong this-fella blood system where different every bit: “One kind red cell no more him stop, but staka different kind white blood cell they stop, each one long all’gether here savvy fight for supportim body long different kind way. For example, one kind white blood cell him finishim every bit all’gether cell where die finish. Some-fella other-fella kind white blood cell make-im something where they callim all’gether antibody for fight againstim all’gether virus, for outim every rubbish something from body, or for really kaikai-im and finishim bacteria.”
18 Him one-fella barava number one system where organize good! You-me savvy sure how something where barava work good together and savvy protectim body every bit must gettim someone where organize-im good and where barava clever and show out care—him now God.
Some-fella Other-fella Number One Something
19. Long wanem way now eye him barava winnim any something where man workim?
19 Plenty other-fella number one something stop inside long body belong man. One-fella now him eye, where work long good-fella way too much, there now no any man savvy make-im any camera where savvy work good all-same eye. Astronomer (man belong science where studyim all’gether star) Robert Jastrow him say: “Look all-same someone plannim way where eye work good too much; winnim way where man plannim telescope.” And this-fella book Popular Photography (Easy Way for Make-im Picture) him say: “All’gether eye belong man they savvy lookim more something winnim way where film savvy doim. They lookim long three dimension (long three-fella side), long area where more wide, long straight-fella way, where go ahead everytime . . . Him no fittim man for markim camera withim eye belong man. Eye belong man him all-same barava number one computer where good too much winnim any something where man savvy workim, computer or camera.”
20. Wanem now some-fella other-fella number one part belong body belong man?
20 Thinkim, too, way where all’gether part belong body they work good together no matter you-me no tellim them for doim all-same. For example, you-me puttim plenty different kind kaikai and drink inside long belly belong you-me, and body him mixim them together and make-im energy (strong) come up. You try for puttim every different kind something all-same inside long petrol tank belong one-fella truck and lookim wanem now happen time you drive-im go! And too, this-fella miracle belong way for bornim baby, way for make-im one-fella baby come up—one-fella baby where close up samesame withim daddy and mummy belong him—inside long nine-fella month no more. And which way long way where one-fella pikinini where few-fella year old no more him savvy how for talktalk long one-fella hard-fella language?
21. Time they looklook long all’gether number one something belong body, wanem now people where gettim good-fella thinkthink they say?
21 True now, staka number one something belong body belong man make-im you-me barava surprise and respectim someone where workim. No any clever man savvy doim something where samesame withim them. Which way, they come up nothing no more? No more now. Time people where gettim good-fella thinkthink they looklook long every number one part belong body belong man, all’gether here they say, all-same man where write-im psalm him say too: “Me savvy praise-im you [God] from you make-im me long way where him good too much. All’gether work belong you they number one every bit.”—Psalm 139:14.
Someone Where Clever Too Much for Buildim Every Something
22, 23. (a) Why now you-me need for look savvy how Creator belong every something him stop? (b) Wanem straight-fella something about God now Bible him tellim?
22 Bible him say: “Him true, people now buildim every house; but God now buildim every something where stop.” (Hebrews 3:4, The Jerusalem Bible) From one-fella house, no matter him barava simple, him must gettim someone where buildim, then something where more hard for workim all-same universe, withim staka different kind something where life long earth, must gettim someone where buildim too. And from you-me look savvy how some-fella man they stop where plannim and workim all’gether airplane, video, and computer, which way, him no fittim you-me too for look savvy how that One him stop where give-im all’gether man brain where savvy make-im all’gether something all-same?
23 Bible callim him “true-fella God, Jehovah, . . . Creator belong heaven and Big-fella Man where puttim them; that One where workim earth and every something belong him, that One where give-im breath long all’gether people belong him.” (Isaiah 42:5) Bible him straight time him say: “You now fit, Jehovah, God belong me-fella, for catchim glory and honor and power, from you create-im every something, and from will belong you now every something here they stop and come up first time.”—Revelation 4:11.
24. How now you-me savvy one-fella God him really stop?
24 True now, you-me savvy one-fella God him really stop, time you-me lookim every something where him workim. “Every fashion [belong God] where you-me no savvy lookim withim eye, they show out clear start long time where God create-im world come catchim this time now, from every fashion here show out long something where [God] workim.”—Romans 1:20.
25, 26. Why now way where man use-im something long wrong-fella way him no prove-im this-fella something him no gettim someone where workim?
25 Way where people use-im one-fella something long wrong-fella way, him no meanim no any man workim this-fella something. Man savvy use-im one-fella airplane for something belong peace, all-same one-fella plane for carryim passenger. But man savvy use-im him for spoilim every something too, all-same one-fella plane for throwim bomb. Way where man use-im him all-same something for killim man die him no meanim him no gettim any man where workim.
26 All-same too, way where all’gether man come up bad, him no meanim they no gettim Someone Where Workim, him no meanim no any God him stop. That’s-the-way, Bible him straight time him say: “You-fella all’gether man where turnim every talktalk! Which way, him fit for clay for think say him samesame withim man where workim every something from clay? Which way, him fit for something where man workim for tellim this one long man where workim him here: ‘Him nothing workim me’? And which way, him fit for something where man workim for tellim all-same long man where workim him: ‘Him nothing show out any savvy’?”—Isaiah 29:16.
27. Why now you-me savvy God by-by answerim all’gether question belong you-me about way for suffer?
27 Creator belong every something him show out wisdom belong him through long every number one something where him workim. Him show out him really care long you-me long way where him workim this-fella earth him fit for you-me stop long him, long way where him workim body and mind belong you-me long number one way, and long way where him workim plenty good-fella something for you-me enjoyim. You-me sure him by-by show out same kind wisdom and care too long way where him answerim all’gether question all-same: Why now God lettim man for suffer? Wanem now by-by him doim for straightim this one?
[Piksa long page 5]
Earth, withim atmosphere belong him, him good-fella home where God, where care, plannim for you-me
[Piksa long page 6]
God workim earth withim love and care, make-im you-me savvy enjoyim life every bit
[Piksa long page 7]
‘Way where brain barava organize good, him winnim telephone system long Earth suppose they heapim up together.’ —Man belong science
[Piksa long page 8]
“. . . someone plannim way where eye work good too much: winnim way where man plannim telescope.”—Astronomer