Theocratic Ministry Skul Review

Iumi bae storyim olketa kwestin hia long week wea start long August 27, 2012. Date hem stap for week wea point hem kamap long skul.

1. Wanem nao iumi mas duim for kasem and for gohed garem datfala mark mekem iumi sev long “bigfala trabol”? (Ezek. 9:3-6) [July 2, w07 7/1 p. 5 par. 7]

2. Wanem nao iumi lanem from Ezekiel 14:12-14, 19, 20 abaotem wei for sev? [July 9, w07 7/1 p. 5 par. 9]

3. Long profesi long Ezekiel 17:22-24, hu nao datfala “young shoot” wea Jehovah aotem and plantim moa long wanfala barava hae maunten, wanem nao datfala “barava hae maunten,” and long wanem wei nao bae datfala young shoot kamap “bigfala cedar tree”? [July 16, w07 7/1 pp. 4-5 par. 6]

4. Wanem nao tingting bilong olketa olo man long Israel abaotem samting wea Ezekiel talem, and wanem nao iumi savve lanem from datwan? (Ezek. 20:1, 49) [July 23, w07 7/1 p. 6 par. 3]

5. Hao nao samting wea Ezekiel 21:18-22 storyim hem showimaot olketa man and olketa demon tu no garem paoa for changem plan bilong Jehovah? [July 30, w07 7/1 p. 6 par. 4]

6. Long Ezekiel 24:6, 11, 12, wanem nao rasta insaed long datfala pot for kuki hem piksarem, and verse 14 hem story abaotem wanem principle? [Aug. 6, w07 7/1 p. 14 par. 2]

7. Long wanem wei nao profesi wea sei Tyre bae distroe hem kam tru? [Aug. 6, it-1 p. 70, box; bsi07 p. 6 par. 4]

8. Olketa wanem toktok wea stap long Ezekiel 28:2, 12-17 nao hem fitim “king bilong Tyre” and Satan tu? [Aug. 13, w05 10/15 pp. 23-24 par. 10-14; it-2 p. 604 par. 4-5]

9. Wanem taem nao no eniwan stap long Egypt for 40 year, and why nao iumi sure datwan hem really happen? (Ezek. 29:8-12) [Aug. 13, w07 8/1 p. 14 par. 5]

10. Wanem nao olketa anointed Christian and “nara sheepsheep” lanem from Ezekiel 33:7-9? [Aug. 20, w07 8/1 p. 15 par. 2]