Samfala Change for Olketa Meeting

Start long week bilong September 3, Kongregeson Bible Study bae hem no 25 minute moa bat bae hem 30 minute nao. Long introduction bilong brata wea conductim Kongregeson Bible Study hem shud iusim wan minute for reviewim study bilong last week. Taem bilong Service meeting tu bae change. Hem bae no 35 minute moa, bat bae hem 30 minute nomoa. Service meeting bae no garem eni announcement part. Sapos eni announcement stap, brata wea givim first part long Service Meeting nao bae readim announcement bifor hem duim part bilong hem, bikos samfala taem kongregeson bae garem samfala important announcement. Bat brata hia no need for announcem evri part wea bae kamap long Service Meeting. And tu, hem no need for announcem olketa arrangement for field service, schedule for klining, or eni greeting. (km 10/08 p. 1, par. 4) Sapos eni announcement bae long lelebet, hem gud for olketa brata wea garem part long Service Meeting savve abaotem diswan mekem olketa savve shortem lelebet tok bilong olketa.