Jesus “Lane for Obey”

Jesus hem evritaem obeyim Jehovah. (John 8:29) So, why nao Bible sei: “Hem lane for obey from olketa samting wea hem safa lo hem”?—Heb. 5:8.

Taem Jesus lo earth, hem deal witim olketa difren situation wea hem no experiencem lo heven. For example, parents blo hem lovem Jehovah bat olketa no perfect. (Luke 2:51) Olketa bigman lo religion and lo gavman duim olketa nogud samting for mekem hem barava safa. (Matt. 26:59; Mark 15:15) And tu, nomata hem safa tumas, “hem hambol and obeyim God go kasem taem hem dae.”—Phil. 2:8.

Olketa situation hia wea Jesus go thru lo hem, hem teachim Jesus for obey lo difren wei wea hem no lane for duim taem hem lo heven. So hem fit for kamap datfala perfect King and Hae Priest, wea barava minim gud iumi. (Heb. 4:15; 5:9) Bihaen Jesus lane for obey nomata hem mas safa, hem kamap barava spesol and iusful go moa lo Jehovah. Taem iumi gohed lane for obey nomata iumi deal witim olketa situation wea no isi, iumi tu savve kamap barava spesol and iusful go moa lo Jehovah lo eni assignment wea hem givim.—Jas. 1:4.