Waswe, Olketa Jehovah’s Witness Garem Olketa Bigman wea Kasem Pei?

Mifala followim example blo olketa Christian lo taem blo olketa aposol, dastawe mifala no garem olketa bigman lo organization blo mifala. Evri Witness wea baptaes hem wanfala minister, and hem share lo waka for preach and teach. Evri Witness garem wanfala kongregeson wea hem attendim, and each kongregeson garem samting olsem 100 Witness insaed. Olketa man wea mature lo spiritual wei duim waka for “elder” lo evri kongregeson. (Titus 1:5) Olketa no kasem pei for waka wea olketa duim for lukaftarem kongregeson.