Leson 14
Hao Olketa Witness Bilong Jehovah They Organize
Long wanem taem nao Olketa Witness Bilong Jehovah start moa? (1)
Hao nao Olketa Witness Bilong Jehovah conductim olketa meeting? (2)
Hao nao olketa peim kost bilong olketa samting? (3)
Hu nao lead insaed long each kongregeson? (4)
Wanem nao olketa bigfala meeting wea olketa garem evri year? (5)
Wanem work nao olketa duim long hedquarter and olketa branch office bilong olketa? (6)
1. Olketa Witness Bilong Jehovah they start moa long olketa year bilong 1870. Firstaem, olketa garem disfala nem Olketa Bible Student. But long 1931 olketa tekem disfala nem from Bible, Olketa Witness Bilong Jehovah. (Isaiah 43:10) Nomata hem small taem hem start, disfala organization kamap moa big withim planti million Witness, wea busy for preach long winim 230 kantri.
2. Klosap evri kongregeson bilong Olketa Witness Bilong Jehovah garem meeting threefala taem evri week. Iu welkam for attendim eni meeting hia. (Hebrews 10:24, 25) Olketa iusim Bible for teach. Olketa savvy startim and finisim meeting withim prea. Olketa singim “olketa spiritual song” withim feeling long klosap evri meeting. (Ephesians 5:18, 19) Hem free nomoa, and olketa no askim selen.—Matthew 10:8.
3. Klosap evri kongregeson havem meeting insaed long wanfala Kingdom Hall. Planti long olketa they simple building wea olketa Witness nao volunteer for buildim. Iu bae no lukim eni image, cross, or olketa samting olsem long Kingdom Hall. Olketa donation wea pipol willing for givim nao peim eni kost. Wanfala contribution box hem stap for olketa wea laek for givim donation.—2 Corinthians 9:7.
4. Each kongregeson garem olketa elder, or ovaseer. Olketa nao main wan wea lead insaed long kongregeson. (1 Timothy 3:1-7; 5:17) Olketa ministerial servant tu helpem olketa. (1 Timothy 3:8-10, 12, 13) Olketa man hia no hae winim evri other wan insaed long kongregeson. (2 Corinthians 1:24) Olketa no garem spesel title. (Matthew 23:8-10) Olketa no wearim kaleko wea different from evriwan. Olketa no kasem pei tu for work bilong olketa. Olketa elder willing for luk aftarem samting wea kongregeson needim long spiritual way. Olketa savvy comfortim and guide-im man long taem wea hem kasem hardfala taem.—James 5:14-16; 1 Peter 5:2, 3.
5. Olketa Witness Bilong Jehovah garem olketa bigfala assembly or convention tu evri year. Long taem olsem, planti kongregeson hipap tugeta for spesel program bilong Bible teaching. Way for baptaesim olketa niufala disaepol hem kamap evritaem long evri assembly or convention.—Matthew 3:13-17; 28:19, 20.
6. World hedquarter bilong Olketa Witness Bilong Jehovah hem stap long New York. Governing Body hem stap long there, wea hem wanfala grup bilong samfala elder wea garem gudfala savvy for luk aftarem organization raonem world. Winim 100 branch office tu stap raonem world. Long olketa office hia, olketa volunteer help for printim and sendem aot olketa Bible buk. Olketa givim direction tu long hao for organize-im preaching work. Waswe, iu laek for visitim branch office wea stap klosap long iu?