5-11 DE AGOSTO

SALMOS 70-72

Suun 59 ko thenchaun | Keʼe tsanginá (1 minuto)

THI ANTO RENTHE KE TJAGO BIBLIA

1. Dekekiʼin xan nandaʼa tedangi de kexrein tsangaxin Jehová

(10 minuto)

Jehová kuengijna ko bayakuʼen David are xra ichjan beʼe (Sl 71:5; w99-S 1/9 18 párr. 17).

Jehová kuengijna David are takujunchjan (Sl 71:9; g04-S 8/10 23 párr. 3).

David kuengijna xan xra ichjan ko kuekiin xan thi jeʼe kuʼen (Sl 71:17, 18; w14-S 15/1 23 párrs. 4, 5).

Familia tununxin ngai sección de semana bathuná “Thi nchao sincheʼera are sinchesayeʼera Dio ngai nchia”. Juinche invitaana inchi ni chuuná ke ujunchjan ngai nchianduana tjaguna foto ko thekina thi jeʼena bathuna.

DEGANCHANGI: “Ngai thie nthasayaana Dio, kexeʼe ni chuuná ujunchjan runchexruxina ruganchangia kekaa thi jeʼe batho”.

2. Tsjeená thi icha renthe

(10 minuto)

Sl 72:8: Kexrein xethja thi ndachro Jehová ngai Abrahán ke jitaxin ngai Génesis 15:18 are chritaʼa kuetuʼan xi nchixin Salomón (it-1-S 883).

Nthiʼi nchao rukji̱n
Keʼe naa thi renthe beginchii ngai thi benchelee ngaa semana jiʼi.

Nthiʼi nchao rukji̱n

3. Thi suanleído

(4 minuto) Sl 71:1-24 (th-S lección 5).

TSANGINÁ TSJAGUNÁ ICHA JIAN

4. Dekexiʼin denichjeʼena

(3 minuto) DE NCHIA KO NCHIA. Are segikun ke chujni rinauʼana ke sekjauna, tachrjuin denichjeʼena ko icha jian inaa nchaʼun dekjan (lmd lección 4 punto 5).

5. Kjan degitsjeʼena

(4 minuto) DAJUNÁ JUAJNA JIAN THI RIDUNTHENA. Kjan denichjeʼe naa ni familiaantha ke ubekjao de reaʼun ke xraa ni rinauʼan tsangi de Biblia (lmd lección 8 punto 4).

6. Denchekinxina thi degithikaun

(5 minuto) Discurso. ijwfq-S 49. Diʼin: Unda basengixin ni testigo de Jehová inchi thi baithikauna are saʼo (th-S lección 17).

THI CHUNDA KE SINCHEʼE NI NCHEXREE DIO

Suun 76

7. Inchi thi nchao sincheʼera are sinchesayeʼera Dio ngai nchia

(15 minuto). Nthiʼi nchao segatheʼe.

Xrajuʼo familia tatengatjen ko te tsjen suun para reunión.

Xrajuʼo familia tatetsjeʼena JW Broadcasting.

Naa xeʼena xanchri jidatheʼe janeʼe are tenche ensayaana are nchesayeʼena Dio ngai chia.

Are sinchesayeʼera Dio ngai nchia jiʼi naa thi tsengijna xan nchinchin para tsangi xan sincherenthe xan disciplina ko thi thetuʼan Jehová (Ef 6:4). Para tsangini rugunda ke asta nuinka sincheʼeni, aro jiʼi naa thi anto jian para jeʼeni, ko icha are xan nchinchin thexiʼin xan nchexruxiʼin xan thi ndachro ngaa Biblia (Jn 6:27; 1Pe 2:2). Detsjeʼe recuadro diʼin: “Inchi thi nchao sincheʼera are sinchesayeʼera Dio ngai nchia”, recuadro jiʼi tsengijna ni ndudaʼa para ke chrjuin tsjaguena xeʼena. Kuthejan deganchangi:

Kexeʼe de kain jiʼi ruenthaxruxiʼan sencheʼe.

Nthiʼi nchao rukji̱n
A chrujan inaa beginchii ke tsengijna ni nchiandui.

Nthiʼi nchao rukji̱n

INCHI THI NCHAO SINCHEʼERA ARE SINCHESAYEʼERA DIO NGAI NCHIA

BIBLIA:

Thiʼinra thi diguan grabado thi suanleído ngaa semana yaa o nanaara ncheleera seen. Nanaana nchao sincheʼena thee ni dajin ngaa Biblia.
Degakee thi xranchangi ke sachrjexin ngai thi suanleído ngaa semana. Nanaara thincheʼera nanaa de thi xranchangi, ncheinvestigaara ko tjaura de jiʼi.
Degakee naa thi xranchangi, kuthejan degundaʼa folleto Textos bíblicos para la vida cristiana, para segatheʼe kuthejan detsjeʼe kexrein senchegunda.
Ncheescenificaara naa thi ndachro ngaa Biblia.
Denchechjian tsje tarjeta ko dekentaxin texto de ngaa Biblia de cada semana, nchao senchegunda thi tununxin ngai apéndice A de folleto Jaña tjaguná ke thjueʼenána, kuthejan dekangi de memoria. Ko kjan detsjeʼe tarjeta de semana ubathuná.
Dekangi inchi de libro ¡Dechaʼa anxun ko nchaʼun nandaʼa tsii!
Dendache naa de ni nchiandui ke tsjeena información de serie “Preguntas sobre la Biblia” o “Textos bíblicos explicados”, ke seginchii ngai thi ndachro “Enseñanzas Bíblicas” ngai jw.org.

ARE XRATHENÁ:

Deguan preparado para nchaʼun ruxrathená.
Denche preparaa naa thi senchecomentaa. Ko detsjeʼe kieʼin sekunchrjaʼan.
Ncheensayaara suun rutsjená.
Tjaura keʼe nchao rundachera ni chuuná are thexiʼin o thjexin reunión.
Ncheensayaara si chrujan naa parte chundara para reunión.

ARE THJIUʼUNÁ JUAJNA JIAN:

Duanra preparado are tsjiuʼura juajna jian.
Duanra preparado para rukjanra sitsjeʼerana.
Xraxaunra kexrein sajunra juajna jian thi ridinthera, ko ncheensayaara kexrein tsexinxira runichjeʼerana.
Tsjeʼera kekaa meta nchao sakeera are chritaʼa conmemoración o are deʼe vacación ngai xrá ko escuela.

THI RUGUNDEʼE NI NCHIANDUINA:

Ncheensayaara kexrein nchao sincheʼera are sathura naa thi tángi o anxun ke utedathura, ínchi are ruxrakuataʼananá, are nthaanana bullying, o are sinaun xan ruchunda xan xi novio o nchri novia o juaxruxin ke ncheʼena.
Ncheensayakuʼura xaʼanra aro jaʼara suanra chjan ko jeʼe xan tsjee xan thi tsangira ko sinthakianxira xan.

ICHA THI NCHAO SINCHEʼERA:

Tsjeʼera JW Broadcasting^® kainxin unithjao ko tjaura de yaa.
Ncheleera naa artículo o tsjeʼera naa video ke jii ngai jw.org, ko tjaura de jiʼi.
Tsjeʼera thi jii ngai sección “Adolescentes y Jovenes Adultos” o “Niños” ke sinchiira ngai thi ndachro “Enseñanzas Bíblicas” ngai jw.org.
Tsjeʼera thi dikentaxinra ngai asamblea.
Tsjeʼera o tangira naa de thi dinchechjian Jehová, kuthejan danchangira, keʼe tjaguaná jiʼi de jeʼe Ndo.
Te bee nchao sincheinvitaara naa ni chuuná ke seʼe ngajira, ko nchao sanchangiʼira kekaa thi batho.
Dakeera meta ko tjaura kexrein nchao sinchexethjara.
Kai nchao sincheʼera jiʼi, sinchechjianra naa maqueta, naa mapa o naa cuadro.

Degakee VIDEO Icha chrjuin dinthechundara thi nchesayeeni Dio ngai nchia. Kuthejan deganchangi:

Si xruʼin chjan techundana, keʼe nchao sincheʼe tatita para ke nanitee tachjruin tsunuʼen are sinchesayeʼena Dio ngai nchia.

Nthiʼi nchao rukji̱n

8. Are ngui congregación tangi de Biblia

(30 minuto) bt-S cap. 13 párrs. 17-24.