جھوٹھے مذہب خدا نُوں بدنام کردے نیں

جے خدا محبت اے تے فیر بوہت سارے مذہب اوہدے ناں تے اینے بھیڑے کم کیوں کردے نیں؟ کیونکہ ایہہ مذہب جھوٹھے نیں۔ اوہ خدا نُوں بدنام کردے نیں۔ اوہ اِنج کیویں کردے نیں؟ خدا نُوں اپنی بدنامی ویکھ کے کیہو جیہا لگدا اے؟ تے اوہ ایہدے بارے کیہہ کرے گا؟‏

1.‏ جھوٹھے مذہباں نے اپنی تلیم دے ذریعے خدا نُوں کیویں بدنام کیتا اے؟‏

جھوٹھے مذہباں نے خدا دی سچائی دی بجائے جھوٹھ پھیلایا اے۔‏ (‏رومیوں 1:‏25‏)‏ مثال لئی، بوہت سارے مذہباں نے لوکاں نُوں خدا دے ناں بارے کجھ نئیں سکھایا جد کہ بائبل دَسدی اے کہ خدا دا ناں جاننا تے ایہنوں استمال کرنا بوہت ضروری اے۔ (‏رومیوں 10:‏13، 14‏)‏ کجھ مذہبی لیڈر کہندے نیں کہ مصیبتاں تے مشکلاں دا ذمے‌دار خدا اے۔ پر ایہہ گل سراسر جھوٹھ اے۔ خدا کدی کوئی بھیڑا کم نئیں کردا۔ (‏یعقوب 1:‏13 نُوں پڑھو۔)‏ بڑے افسوس دی گل اے کہ بوہت سارے مذہباں نے ایہو جہی جھوٹھی تلیم دے کے لوکاں نُوں خدا توں دُور کر دِتا اے۔‏

2.‏ جھوٹھے مذہباں نے اپنے کماں دے ذریعے خدا نُوں کیویں بدنام کیتا اے؟‏

جھوٹھے مذہب لوکاں نال اُنج دا سلوک نئیں کردے جِنج دا خدا چاہندا اے۔ بائبل چ دَسیا گیا اے کہ جھوٹھے مذہباں دے گُناہ اینے زیادہ ہو گئے نیں کہ اوہ اسمان تک پونچ گئے نیں۔‏ (‏مکاشفہ 18:‏5‏)‏ کئی سو سالاں توں مذہباں نے سیاست چ حصہ لے کے جنگاں دی حمایت کیتی اے تے بے‌شمار لوکاں دے خون نال اپنے ہتھ رنگے نیں۔ بوہت سارے مذہبی لیڈر لوکاں کولوں دُعا کرن لئی پیسے لیندے نیں تاکہ اوہ آپ عیش دی زندگی گزار سکن۔ ایہناں گلاں توں ثابت ہوندا اے کہ اوہ خدا نُوں جان دے تک نئیں، اوہدی سچی عبادت کرنا تے بڑی دُور دی گل اے۔—‏1-‏یوحنا 4:‏8 نُوں پڑھو۔‏

3.‏ جھوٹھے مذہباں بارے خدا دی سوچ کیہہ اے؟‏

ذرا سوچو کہ جے جھوٹھے مذہباں دے کم ویکھ کے توانوں غصہ آندا اے تے فیر کیہہ یہوواہ خدا نُوں غصہ نئیں آندا ہوئے گا؟ اوہ لوکاں نُوں پیار کردا اے پر اوہنوں ایہو جہے مذہبی لیڈراں تے غصہ آندا اے جیہڑے نہ صرف اوہنوں بدنام کردے نیں سگوں لوکاں نال وی بھیڑا سلوک کردے نیں۔ ایس لئی اوہنے وعدہ کیتا اے کہ جھوٹھے مذہب تباہ ہو جان گے تے اوہناں دا ناں نشان تک مٹ جائے گا۔‏ (‏مکاشفہ 18:‏21‏)‏ بوہت ای چھیتی خدا سارے جھوٹھے مذہباں نُوں ختم کر دَوے گا۔—‏مکاشفہ 18:‏8‏۔‏

ہور سوچ‌وچار لئی

4.‏ خدا سارے مذہباں نُوں پسند نئیں کردا

بوہت سارے لوک سوچدے نیں کہ مذہب فرق فرق راہواں وانگوں نیں تے ایہہ ساریاں خدا وَل جاندیاں نیں۔ پر کیہہ ایہہ سچ اے؟ متی 7:‏13، 14 نُوں پڑھو تے فیر ایس سوال تے گل بات کرو:‏

• بائبل زندگی وَل جان والی راہ بارے کیہہ دَسدی اے؟‏

ویڈیو چلاؤ تے فیر ایس سوال تے گل بات کرو:‏

ویڈیو:‏ کیہہ خدا سارے مذہباں نُوں پسند کردا اے؟—‏حصہ (‏22:‏3)‏

• کیہہ بائبل ایہہ سکھاندی اے کہ خدا سارے مذہباں نُوں پسند کردا اے؟‏

5.‏ جھوٹھے مذہباں دے ممبر خدا ورگی محبت ظاہر نئیں کردے

جھوٹھے مذہباں نے خدا نُوں کئی طریقیاں نال بدنام کیتا اے۔ اِک طریقہ تے ایہہ وے کہ جھوٹھے مذہب شروع توں ای جنگاں چ اَگے اَگے رہے نیں۔ ایہدی اِک مثال ویکھن لئی ایہہ ویڈیو چلاؤ تے فیر ایہناں سوالاں تے گل بات کرو:‏

ویڈیو:‏ دُوجی عالمی جنگ چ چرچاں نے کیہہ کیتا (‏22:‏2)‏

• دُوجی عالمی جنگ چ بوہت سارے چرچاں نے کیہہ کیتا؟‏

• تُسی ایہدے بارے کیہہ محسوس کردے او؟‏

یوحنا 13:‏34، 35 تے 17:‏16 نُوں پڑھو۔‏ فیر ایہناں سوالاں تے گل بات کرو:‏

• جدوں مذہب جنگاں چ حصہ لیندے نیں تے یہوواہ خدا نُوں کیہو جیہا لگدا اے؟‏

• جھوٹھے مذہباں دے کیہڑے کماں دی وجہ توں توانوں لگدا اے کہ ایہہ خدا ورگی محبت ظاہر نئیں کردے؟‏

6.‏ خدا لوکاں نُوں جھوٹھے مذہباں دے قبضے چوں چھڈانا چاہندا اے

مکاشفہ 18:‏4 نُوں پڑھوa تے فیر ایس سوال تے گل بات کرو:‏

• خدا اوہناں لوکاں دی مدد کرنا چاہندا اے جیہڑے جھوٹھے مذہباں دی وجہ توں گمراہ ہو گئے نیں۔ ایہہ گل جان کے توانوں کیہو جیہا محسوس ہوندا اے؟‏

7.‏ سچے خدا بارے سکھدے رہوو

کیہہ جھوٹھے مذہباں دی تلیم دی وجہ توں توانوں وی ایہہ سوچنا چاہی دا ا ے کہ ساریاں مصیبتاں دا ذمے‌دار خدا ای اے؟ ایس سوال دے جواب لئی ذرا ایس مثال تے غور کرو۔ فرض کرو کہ اِک پُتر اپنے پیو دی نصیحت تے عمل نئیں کردا۔ اوہ گھر چھڈ کے چلا جاندا اے تے بھیڑے کماں چ پے جاندا اے۔ پیو نہ تے اوہدے کماں چ شریک اے تے نہ ای اوہناں دی حمایت کردا اے۔ تے فیر کیہہ پُتر دے بھیڑے کماں لئی پیو نُوں ذمے‌دار ٹھہرانا صحی ہوئے گا؟‏

• کیہہ جھوٹھے مذہباں دے بھیڑے کماں دی وجہ توں یہوواہ تے اِلزام لانا تے اوہدے بارے سکھنا چھڈ دینا صحی ہوئے گا؟‏

خلاصہ

جھوٹھے مذہباں نے اپنی تلیم تے اپنے بھیڑے کماں دے ذریعے خدا نُوں بدنام کیتا اے۔ ایس لئی خدا ایہناں نُوں بوہت چھیتی ختم کر دَوے گا۔‏

دہرائی

• تُسی جھوٹھے مذہباں دی تلیم تے کماں بارے کیہہ سوچدے او؟‏

• یہوواہ جھوٹھے مذہباں بارے کیہہ سوچدا اے؟‏

• یہوواہ جھوٹھے مذہباں نال کیہہ کرے گا؟‏

ہور جانن لئی

ایس مضمون چ دو گلاں تے غور کرو جنہاں دی وجہ توں خدا بوہت سارے مذہباں نُوں پسند نئیں کردا۔‏

کیہہ سارے مذہب اِکو جہے نیں؟‏ کیہہ اوہ سارے خدا وَل لجاندے نیں؟‏ (‏ویب‌سائٹ تے مضمون)‏

یہوواہ خدا ایہہ کیوں چاہندا اے کہ اَسی دُوجیاں نال مِل کے اوہدی عبادت کرئیے؟‏

کیہہ کسے مذہب دا حصہ بننا ضروری اے؟‏ (‏ویب‌سائٹ تے مضمون)‏

اِک پادری اپنے چرچ دے عقیدیاں تے کماں دی وجہ توں بوہت پریشان سی۔ پر اوہ فیر وی خدا بارے سکھدا رہیا۔‏

ایک پادری نے اپنا چرچ کیوں چھوڑ دیا؟‏ (‏جاگو!‏‏، اپریل-‏جون 2015)‏

مذہب بڑی دیر توں جھوٹھی تلیم دے رہے نیں جدی وجہ توں لوک سوچدے نیں کہ خدا بڑا ظالم اے تے انساناں توں بوہت دُور اے۔ ایس رسالے چ تُسی اوہ تِن جھوٹھیاں گلاں پڑھو گے جیہڑیاں مذہباں نے پھیلائیاں نیں۔‏

انسان اور خدا کے بیچ دُوری—‏کیوں؟‏ (‏مینارِنگہبانی،‏ جنوری-‏مارچ 2014)‏