ہمدردی وکھاؤ

یسوع دی مثال

ویڈیو:‏ یسوع نُوں لوکاں تے ترس آیا

1.‏ ویڈیو ویکھو یاں مرقس 6:‏30-‏34 نُوں پڑھو۔‏ فیر ایہناں سوالاں تے غور کرو:‏

1. ‏(‏الف)‏ یسوع تے اوہدے شاگرد کلّے وقت کیوں گزارنا چاہندے سن؟‏

2. ‏(‏ب)‏ تھکے ہون دے باوجود یسوع لوکاں نُوں تلیم کیوں دین لگ پیا؟‏

اَسی یسوع دی مثال توں کیہہ سکھنے آں؟‏

2.‏ ہمدردی دی وجہ توں ساڈا دھیان بس لوکاں نُوں اپنا پیغام سنان تے نئیں ہوئے گا سگوں اَسی اوہناں لئی محبت تے فکر وی وکھاواں گے۔‏

یسوع دی مثال تے عمل کرو

3.‏ دھیان نال سُنو۔‏ دُوجیاں نُوں اپنی رائے دین دا موقع دَوو۔ اوہناں دی گل نہ ٹوکو۔ ایہہ تاثر نہ دَوو کہ توانوں اوہناں دی سوچ تے سوالاں چ کوئی دلچسپی نئیں۔ اوہناں دی گل نُوں دھیان نال سُنو۔ اِنج اوہناں نُوں محسوس ہوئے گا کہ تُسی اوہناں دی رائے دی قدر کردے او۔‏

4.‏ دلچسپی رکھن والیاں بارے سوچو۔‏ کسے بندے نال تواڈی جیہڑی گل بات ہوئی اے، اوہدے مطابق اپنے آپ کولوں پچھو:‏

1. ‏(‏الف)‏ اوہنوں خوش‌خبری سُنن دی اینی لوڑ کیوں اے؟‏

2. ‏(‏ب)‏ بائبل کورس کرن نال ہُن تے مستقبل چ اوہدی زندگی کیویں بہتر ہو سکدی اے؟‏

5.‏ اوہدی ضرورت دے مطابق معلومات دَوو۔‏ جِنّی چھیتی ہو سکے، اوہنوں دَسو کہ بائبل کورس کرن نال اوہنوں اپنے سوالاں دے جواب کیویں مل سکدے نیں تے کیہڑے کیہڑے فائدے ہو سکدے نیں۔‏